తాలిబన్ల ఆధీనంలోకి అఫ్గాన్​ సరిహద్దు కీలక ప్రాంతం

తాలిబన్ల ఆక్రమణలు కొనసాగుతూనే ఉన్నాయి. తాజాగా అఫ్గాన్​, పాక్​ సరిహద్దు ప్రాంతాన్ని తమ అధీనంలోకి తీసుకున్నారు. పాక్​లోని ప్రధాన ఓడరేవులను అనుసంధానం చేసే ఈ ప్రాంతాన్ని తాము స్వాధీనంలోకి తెచ్చుకున్నట్లు తాలిబన్​ ప్రతినిధి ఒకరు తెలిపారు.

పాకిస్థాన్​లోని దక్షిణ కందహార్ ప్రావిన్స్‌లో ఉన్న అఫ్గాన్​ ప్రధాన సరిహద్దు ప్రాంతాన్ని తాలిబన్లు స్వాధీనం చేసుకున్నట్లు స్థానిక మీడియా తెలిపింది. పాక్​లోని ప్రధాన ఓడరేవులను అనుసంధానం చేసే అత్యంత రద్దీ ప్రాంతాల్లో ఒకదానిని తాలిబన్లు తమ అధీనంలోకి తీసుకున్నట్లు పేర్కొంది. అఫ్గాన్​లోని వెష్​, పాక్​లోని చమన్​ నగరాలకు సరిహద్దుగా ఉండే క్రాసింగ్​ గేట్​ వద్ద అఫ్గాన్​ జెండాను వారు తొలగించినట్లు చెప్పింది. ఇదే విషయాన్ని తాలిబన్​ ప్రతినిధి ఒకరు ట్విట్టర్​ ద్వారా ధ్రువీకరించారు.

"బోల్ధాక్​, చమన్ మధ్య ముఖ్యమైన రహదారి మా నియంత్రణలోకి వచ్చింది. ఇస్లామిక్ ఎమిరేట్ పట్టణంలోని వ్యాపారులకు, నివసించే ప్రజలందరి భద్రతను కఠినతరం చేస్తామని హామీ ఇస్తున్నాం."

- జబీహుల్లా, తాలిబాన్ ప్రతినిధి

పాక్​తో ఒప్పందం చేసుకున్న తరువాత తాము ప్రయాణ, ఇతర రవాణాలకు అనుమతి ఇస్తామని తాలిబన్లు చెప్పారు.

2లక్షల 70 వేలకు పైగా అఫ్గాన్​ శరణార్థులు...

అఫ్గనిస్థాన్​లో జరుగుతోన్న హింసాకాండ కారణంగా ఈ జనవరి నుంచి 2లక్షల 70 వేల మంది శరణార్థులుగా మారారని ఐక్యరాజ్యసమితి తెలిపింది. ఆ దేశంలో ముదిరిన మానవతా సంక్షోభానికి ఈ లెక్కలే ఉదాహణ అని చెప్పింది. నాటో బలగాల ఉపసంహరణ తరువాత తాలిబన్​లు అక్కడి ప్రాంతాలను వారి అధీనంలోకి తీసుకుంటూ వచ్చారు. ఈ కారణంగా భద్రతా సమస్యలతో ఇతర ప్రాంతాలకు శరణార్థులుగా వెళ్లినట్లు వెల్లడించింది.

ఇదీ చూడండి:తాలిబన్లతో అఫ్గాన్​ ప్రభుత్వ చర్చలు- శాంతి నెలకొనేనా?