"ఒత్తిళ్లకు తలొగ్గలేదు"

భారత వైమానిక దళ వింగ్​ కమాండర్​ అభినందన్​ వర్ధమాన్​ను ఎలాంటి ఒత్తిళ్లకు లోబడి విడుదల చేయలేదని పాకిస్థాన్​ విదేశాంగ మంత్రి షా మహమూద్​ ఖురేషీ పేర్కొన్నారు.

భారత పైలెట్​ అభినందన్​ వర్ధమాన్​ను ఎలాంటి ఒత్తిళ్లు, బలవంతం చేత అప్పగించలేదని పాకిస్థాన్​ విదేశాంగ శాఖ మంత్రి షా మహమూద్​ ఖురేషీ వెల్లడించారు. ఐఏఎఫ్​ వింగ్​ కమాండర్​ భారత్​కు తిరిగి వచ్చిన మరుసటి రోజే ఈ వ్యాఖ్యలు చేశారు ఖురేషీ.

పుల్వామా ఉగ్రదాడితో ఇరుదేశాల మధ్య నెలకొన్న ఉద్రిక్త పరిస్థితులు సద్దుమణిగేలా, భారత పైలెట్​ను అప్పగించడానికి అమెరికా, యూఏఈ, సౌదీ అరేబియా నుంచి పాక్​ ఒత్తిడిని ఎదుర్కొంది.

" మీకు (భారత్​కు) బాధలు పెంచాలనుకోవట్లేదు. మీ పౌరులు దుఃఖించాలని అనుకోవట్లేదు. మేము శాంతి కోరుకుంటున్నాం. అభినందన్​ను విడుదల చేయటానికి పాకిస్థాన్​పై ఎలాంటి బలవంతం, ఒత్తిడి లేదు. " - మహమూద్​ ఖురేషీ, పాకిస్థాన్​ విదేశాంగ మంత్రి

జైషే మహమ్మద్​ ఉగ్రసంస్థకు వ్యతిరేకంగా ఆధారాలు అందిస్తే చర్యలు చేపడతామని ఖురేషీ పునరుద్ఘాటించారు.