మోదీకి ఘన స్వాగతం పలికిన భూటాన్​ ప్రధాని

భూటాన్​కు చేరుకున్న ప్రధాని నరేంద్రమోదీకి ఘన స్వాగతం లభించింది. రెండో సారి ప్రధాని పీఠం అధిరోహించాక మొదటిసారి విదేశాల్లో పర్యటిస్తున్నారు మోదీ.

భూటాన్​లోని పారో అంతర్జాతీయ విమానాశ్రయానికి ప్రధాని నరేంద్రమోదీ చేరుకున్నారు. రెండోసారి ప్రభుత్వాన్ని ఏర్పాటు చేశాక మొదటి సారి విదేశీ పర్యటనకు వెళ్లిన మోదీకి ఆతిథ్య దేశ​ ప్రధాని లొటాయ్​ షేరింగ్​ ఘన స్వాగతం పలికారు.

ప్రధాని ఇవాళ, రేపు భూటాన్​లో పర్యటిస్తారు. ఆ దేశ రాజు జిగ్మే ఖేసర్​ వాంగ్​ చుక్​, ప్రధానితో సమావేశమవుతారు. వ్యూహాత్మక భాగస్వామ్యులైన భారత్​-భూటాన్​... ద్వైపాక్షిక భాగస్వామ్యాన్ని మరింత విస్తరించే దిశగా చర్చించనున్నట్లు విదేశాంగశాఖ తెలిపింది. ప్రధాని పర్యటన... నమ్మకమైన మిత్రదేశంతో సంబంధాలకు భారత్​ ఇస్తున్న ప్రాధాన్యానికి నిదర్శనమని పేర్కొంది.

ఇదీ చూడండి: మహాత్ముడు మెచ్చిన పల్లె... ఎందుకంత ప్రత్యేకం?