జమ్ముకశ్మీర్‌లో ఆర్టికల్‌370 రద్దుపై అంతర్జాతీయ సమాజం మద్దతు పొందేందుకు ప్రయత్నాలు చేస్తున్న పాకిస్థాన్‌ తరచూ ఎదురుదెబ్బలు తింటూనే ఉంది. అయినప్పటికీ ఆ దేశ ప్రధాని ఇమ్రాన్‌ఖాన్‌ మరోసారి బీరాలు పలికారు. త్వరలో జరగనున్న ఐక్యరాజ్యసమితి సాధారణ సభ సమావేశాల్లో కశ్మీర్‌ వాసులను అసంతృప్తిపరచనని తెలిపారు. పాక్ ఆక్రమిత కశ్మీర్‌ రాజధాని ముజఫరాబాద్‌లో కశ్మీరీలకు సంఘీభావంగా జరిగిన కార్యక్రమంలో ఈ వ్యాఖ్యలు చేశారు.
'ఐరాస'లో కశ్మీరీల గళం వినిపిస్తా: పాక్ ప్రధాని
ఐక్యరాజ్యసమితి సాధారణ సభ సమావేశాల్లో కశ్మీర్‌ వాసులను అసంతృప్తిపరచనని చెప్పారు పాక్ ప్రధాని ఇమ్రాన్ ఖాన్. భారత ప్రభుత్వ చర్యల కారణంగానే జమ్ముకశ్మీర్‌లో తీవ్రవాదం పెరిగిపోతోందన్నారు ఇమ్రాన్.
'ఐరాస'లో కశ్మీరీలను అసంతృప్తి పరచను : ఇమ్రాన్
కశ్మీర్‌ వాసుల పరిస్థితిని ప్రతి అంతర్జాతీయ వేదిక మీద లేవనెత్తుతామన్న ఇమ్రాన్.. గతంలో ఎవరూ కృషి చేయనంతగా కశ్మీరీల హక్కుల కోసం నిలబడతానని హామీ ఇచ్చారు. భారత్‌పై తన అక్కసు వెళ్లగక్కారు. భారత ప్రభుత్వ చర్యలతోనే జమ్ముకశ్మీర్‌లో తీవ్రవాదం పెరిగిపోతోందన్నారు. అణచివేతకు వ్యతిరేకంగా ప్రజలు పోరాటం చేస్తే ఉగ్రవాదం పుట్టుకొస్తుందని ఇమ్రాన్ వ్యాఖ్యానించారు.
" ప్రజలు విసిగిపోతే అవమానాలకు గురి కావడం కన్నా చనిపోవాలనే నిర్ణయించుకుంటారు. ఆ పరిస్ధితుల్లో నేను ఉన్నా అదే పని చేస్తాను. జమ్ముకశ్మీర్‌ ప్రజల పట్ల భారత్‌ వ్యవహరిస్తున్న తీరుకు వ్యతిరేకంగానే అక్కడి యువకుడు పుల్వామా ఉగ్రదాడి జరిపాడు. భారత్‌ ఎలాంటి దాడి చేసినా దీటుగా ఎదుర్కొంటాం."
- ఇమ్రాన్ ఖాన్, పాక్ ప్రధాని
Last Updated : Sep 30, 2019, 12:05 PM IST