రష్యా నిరసనలు: వెయ్యి మందికిపైగా అరెస్ట్ రష్యా రాజధాని మాస్కో నగర కౌన్సిల్ ఎన్నికల్లో ప్రతిపక్ష పార్టీ సభ్యులను పోటీ చేయకుండా అడ్డుకోవడాన్ని నిరసిస్తూ వేల మంది వీధుల్లోకి చేరి నిరసనలు చేపట్టారు. న్యాయమైన ఎన్నికలు నిర్వహించాలని డిమాండ్ చేశారు. ఎలాంటి అనుమతులు లేకుండా ఆందోళనలు చేపట్టడం వల్ల పోలీసులు ఉక్కుపాదం మోపారు. నిరసనకారులపై లాఠీ ఛార్జ్ చేసి.. 1,074 మందిని అరెస్ట్ చేశారు. ఆందోళనకారులను చెదరగొట్టారు. రాజధాని నగరంలో కట్టుదిట్టమైన భద్రత ఏర్పాటు చేశారు. నిరసన ప్రదర్శన ప్రసారం చేసిన ఓ టెలివిజన్ కేంద్రాన్ని తనిఖీ చేశారు.
సెప్టెంబర్లో జరగబోయే నగర కౌన్సిల్ ఎన్నికల్లో పోటీకి ప్రతిపక్షాల సభ్యులను అనుమతించాలని సుమారు 22 వేల మంది గతవారం ఆందోళన చేశారు.
ఇదీ చూడండి: చైనాలో ఘనంగా 'భోగి పండుగ'...!
