అంతర్జాతీయ సమాజం వైపు మయన్మార్​ ప్రజల చూపు!

మయన్మార్​లో సైనిక తిరుగుబాటు, పౌర ఆందోళనలతో పరిస్థితులు అట్టుడుకుతున్నాయి. సరిహద్దు ప్రాంతాల నుంచి నగరాల్లోకి భద్రతా దళాల మోహరింపు ఆందోళన కలిగిస్తోంది. దేశ ప్రజలు ప్రపంచ దేశాల మద్దతు కోరుతున్నట్లు అక్కడి మీడియా వెల్లడించింది.

మయన్మార్​లో రోజురోజుకూ పరిస్థితులు ఉద్రిక్తంగా మారుతున్నాయి. ఉత్తర రాఖైన్​లోని సరిహద్దు ప్రాంతాల నుంచి భారీగా భద్రతా దళాలను పలు నగరాల్లో మోహరిస్తున్నట్లు ఐక్యరాజ్య సమితి స్వతంత్ర పరిశోధకుడు ఒకరు బుధవారం తెలిపారు. దీంతో రక్తపాతం, ప్రాణ నష్టం జరిగే అవకాశం పెరుగుతుందని పౌరులు ఆందోళన చెందుతున్నారు.

సైనిక తిరుగుబాటుకు వ్యతిరేకంగా ఆందోళన చేస్తున్న పౌరులపై తొలుత సంయమనంతో వ్యవహరించిన పోలీసులు.. రబ్బరు బుల్లెట్లు, మందుగుండు సామగ్రి పేల్చటం, నీటి ఫిరంగులు వినియోగిస్తున్నారని అక్కడి మీడియా తెలిపింది. మయన్మార్ ప్రజలు అంతర్జాతీయ సమాజ మద్దతు కోరుతున్నారని పేర్కొంది.

దేశ మిలిటరీ ఏం చేయగలదో ఇప్పటికే ప్రజలు తెలుసుకున్నారని, భద్రతా దళాల మోహరింపు పెరగడం ఆందోళన కలిగిస్తోందని ఆండ్రూస్ అన్నారు. అయినప్పటీ పెద్దఎత్తున నిరసనలు చేస్తున్న పౌరులను చూస్తుంటే స్ఫూర్తిదాయకంగా ఉందని చెప్పారు.

ఖండించిన చైనా..

సైనిక తిరుగుబాటుకు చైనా సహకరిస్తుందన్న కథనాలను డ్రాగన్ దేశం గురువారం కొట్టిపారేసింది. యాంగూన్​లోని చైనా రాయబార కార్యలయం వద్ద ఆందోళనకారులు నిరసన చేపడుతున్న నేపథ్యంలో ఈ మేరకు స్పష్టనిచ్చింది.

ఇదీ చూడండి:సూకీ నిర్బంధం పొడిగింపుపై అమెరికా ఆవేదన