ఇండోనేషియాను కుదిపేసిన భారీ భూకంపం

ఇండోనేషియాలోని మలుకు ద్వీపంలో భారీ భూకంపం సంభవించింది. భూకంప లేఖినిపై 7.3 తీవ్రత నమోదయింది. భూప్రకంపనలతో భయభ్రాంతులకు గురయిన ప్రజలు ఇళ్లల్లో నుంచి పరుగులు తీశారు. ప్రస్తుతానికి సునామీ హెచ్చరికలేమీ జారీ కాలేదు.

తూర్పు ఇండోనేషియా మలుకు దీవిలో భారీ భూకంపం సంభవించింది. భూకంప లేఖినిపై 7.3 తీవ్రత నమోదయింది. భూప్రకంపనలతో భయభ్రాంతులకు గురయిన ప్రజలు ఇళ్లల్లో నుంచి వీధుల్లోకి పరుగులు తీశారు. ప్రస్తుతానికి సునామీ హెచ్చరికలేమీ జారీ కాలేదు.

ఉత్తర మలుకు రాష్ట్రంలోని టెర్నేట్​ నగరానికి నైరుతి ప్రాంతంలో 165 కిలోమీటర్ల దూరంలో 10 కిలోమీటర్ల లోతున భూకంప కేంద్రం ఉందని అమెరికా జియోలాజికల్​ సర్వే తెలిపింది.

ఇండోనేషియా దేశం పసిఫిక్​ తీరంలోని 'రింగ్​ ఆఫ్​ ఫైర్​' ప్రాంతంలో ఉండటం వల్ల తరుచుగా భూకంపాలు సంభవిస్తుంటాయి. గత వారం 6.9 తీవ్రతతో భూకంపం వచ్చింది.

2018లో 7.5 తీవ్రతతో భూకంపంతో పాటు సునామీ వచ్చింది. ఈ దుర్ఘటనలో సుమారు 2,200 మంది మరణించారు. మరో 1000 మంది ఆచూకీ లభించలేదు.

ఇదీ చూడండి: ఆస్ట్రేలియా పాఠశాల విద్యార్థులకు 'ధ్యాన' శిక్షణ