ఆంక్షలు- ఆవేశాలు.. ఇవే 'కరోనా' సిత్రాలు

కరోనా ప్రపంచాన్ని అల్లకల్లోలం చేస్తోంది. ఇప్పటికే చాలా దేశాలో వైరస్​ వ్యాప్తి దృష్ట్యా ఆంక్షలను అమలు చేస్తున్నాయి. మరికొన్ని దేశాల్లో ప్రజలు ఆంక్షల నడుమ జీవనం సాగిస్తున్నారు. మాస్కులను ధరించి బయటకు వస్తున్నారు. కొన్ని ప్రాంతల్లో స్థానిక పండుగలను ఆంక్షల నడుమనే జరుపుకుంటున్నారు. వివిధ దేశాల్లో కరోనా పరిస్థితులను కళ్లకు కట్టే దృశ్యాలు మీకోసం..

ప్రపంచంపై కరోనా విలయం ఇంకా తగ్గలేదు. అనేక దేశాల్లో కేసులు విపరీతంగా పెరుగుతున్నాయి. ముఖ్యంగా ఇండోనేషియాలో కరోనా మరణాలు పెరిగిపోతున్నాయి. ఈ నేపథ్యంలో అక్కడి శ్మశాన వాటికలు కిక్కిరిసిపోతున్నాయి. ఖాళీలు దొరకడం లేదు. బోగోర్​లోని సిపెంజో శ్మశాన వాటికలో.. వైరస్​తో మరణించిన తమ బంధువులను ఖననం చేసినందుకు.. సిబ్బందికి కృతజ్ఞతగా ఓ వ్యక్తి అభివాదం చేస్తున్న దృశ్యం ఇది.

కరోనాతో చనిపోయిన బంధువుని ఖననం చేసిన సిబ్బందికి నమస్కారం చేస్తున్న వ్యక్తి

బ్రెజిల్​ ఇప్పటికీ కరోనాతో విలవిలలాడుతోంది. ఈ నేపథ్యంలో పౌరులు అందరూ వైరస్​పై పోరాడేందుకు వ్యాక్సిన్​లను తీసుకుంటున్నారు. ఇందులో భాగంగా 35 ఏళ్లు పైబడిన వారికి టీకాపై అవగాహన కార్యక్రమం నిర్వహించిన క్రమంలో ఓ వ్యక్తి తన తొలి టీకాగా ఆస్ట్రాజెన్​కాను తీసుకునేందుకు ముందుకు వచ్చిన దృశ్యమిది.

బ్రెజిల్​లో టీకా తీసుకుంటున్న పౌరుడు

వెనిజువెలాలో ప్రతిఏటా జరుపుకునే నైట్​రూట్​ అనే కార్యక్రమంలో ఓ కళాకారిణి ఇచ్చిన ప్రదర్శన ఇది. కారకాస్​ డౌన్​టౌన్​లో ఈ కార్యక్రమం జరిగింది. దీనిలో ప్రజలు తక్కువ సంఖ్యలో పాల్గొన్నారు. కానీ చాలా మంది మాస్కులు ధరించలేదు.

వెనిజులాలో క్రీడాకారిణి విన్యాసం

వెనిజులాలోని నైట్​రూట్​ కార్యక్రమంలో ఓ కళాకారుడు ఇచ్చిన సాహస ప్రదర్శన ఇది.

వెనిజులాలో నైట్​రూట్​ కార్యక్రమంలో వ్యక్తి ప్రదర్శన

జపాన్​లోని టోక్యోలో కరోనా కేసులు అంతకంతకూ పెరుగుతున్నాయి. మరోవైపు అదే నగరం ఒలింపిక్స్​కు వేదికైంది. ఈ నేపథ్యంలో వైరస్​ వ్యాప్తిని అరికట్టేందుకు ప్రజలందరూ వీధుల్లో మాస్కులను ధరించి బయటకు వస్తున్నారు.

టోక్యోలో మాస్కులు ధరించి బయటకు వచ్చిన ప్రజలు

కరోనా వైరస్​ వ్యాప్తిని దృష్టిలో ఉంచుకొని వియత్నాం రాజధాని హనోయ్​లో 15 రోజుల పాటు నిషేధాజ్ఞలు విధించింది అక్కడి ప్రభుత్వం. ఈ నేపథ్యంలో ట్రాఫిన్​కు అదుపు చేయడానికి పోలీసులు బారికేడ్లను రోడ్లకు అడ్డుగా ఉంచారు. పౌరులు ఎవరూ బయటకు రాకుండా పోలీసులు కాపలాగా ఉన్న దృశ్యం ఇది.

వియత్నంలో లాక్​డౌన్​ ప్రభావం

ఆస్ట్రేలియాలోని సిడ్నీ నగరంలో జరిగిన 'వరల్డ్ వైడ్ ర్యాలీ ఫర్ ఫ్రీడం'తో లాక్​డౌన్​కు వ్యతిరేకంగా నిరసనలు చేపట్టారు అక్కడి ప్రజలు . పెద్ద ఎత్తున వీధుల్లోకి వచ్చి నిరనలు తెలిపారు.

సిడ్నీలో ప్రజల ఆందోళన

సిడ్నీలో నిరసనలు తెలుపుతున్న వారిని పోలీసులు అడ్డుకునేందుకు ప్రయత్నించగా ప్రజలు వారిపై ఆగ్రహం వ్యక్తం చేశారు. చేతిలో ఉన్నవాటిని పోలీసులపై విసిరారు.

సిడ్నీలో పోలీసులపై ప్రజల ఆగ్రహం

ప్రపంచ వ్యాప్తంగా 4,163,820 మంది ఇప్పటివరకు కరోనాతో చనిపోయారు.

ఇదీ చూడండి:సిద్ధిఖీ ఫొటోలు.. వేల భావాలు పలికే చిత్రాలు