హాంకాంగ్లో నేరస్థుల అప్పగింత బిల్లుకు వ్యతిరేకంగా నిరసనలు చేపట్టి ఇప్పటికి 11వారాలు గడుస్తోంది. ఈ నేపథ్యంలో ఆందోళనకారులతో చర్చలకు సిద్ధంగా ఉన్నట్లు హాంకాంగ్ ముఖ్య కార్యనిర్వహణ అధికారి కారీ లామ్ ప్రతిపాదించారు. అయితే అందుకు నిరసనకారులు అంగీకరించలేదు.
పోలీసులపైనిరసనకారులు చేసిన దాష్టీకానికి ఇప్పటివరకు 174 కేసులు నమోదైనట్లు కారీలామ్ తెలిపారు. ఈ దుశ్చర్యల నిగ్గు తేల్చేందుకు నిజ నిర్ధరణ కమిటీ వేయనున్నట్లు వెల్లడించారు. నేరస్థుల అప్పగింత బిల్లును మాత్రం అధికారికంగా విరమించడానికి నిరాకరించారు.
ఆందోళనకారులు మాత్రం తమ డిమాండ్లు తీర్చే వరకు నిరసనలు కొనసాగుతూనే ఉంటాయని తేల్చి చెప్పారు.