Hindu boy murdered: పాక్​లో హిందూ బాలుడి హత్య.. లైంగికంగా వేధించి

11 ఏళ్ల హిందూ బాలుడిపై (Hindu boy murdered) అత్యాచారానికి పాల్పడ్డారు కిరాతకులు. అంతేకాక చిన్నారుడ్ని కిరాతకంగా చంపారు. ఈ షాకింగ్ ఘటన పాకిస్థాన్​లోని​ సింధ్​ రాష్ట్రంలో జరిగింది.

పాకిస్థాన్​, సింధ్ ​రాష్ట్రంలో దారుణ ఘటన జరిగింది. హిందూ వర్గానికి చెందిన మైనర్​ బాలుడిని (Hindu boy murdered) ఎత్తుకెళ్లి అత్యాచారానికి ఒడిగట్టారు కొందరు దుండగులు. ఆపై కిరాతకంగా హతమార్చారు.

ఏమైందంటే..?

బాబర్​లోయి టౌన్​లోని ఖైర్​పుర్​ మిర్ ప్రాంతానికి చెందిన మైనర్​ను(Hindu boy murdered).. శుక్రవారం సాయంత్రం కొందరు దుండగులు ఎత్తుకెళ్లారు. గురునానక్​ జన్మదిన వేడుకల్లో బిజీగా ఉన్న బాలుడి కుటుంబం.. ఈ సంగతి గమనించలేదు. అతడిని లైంగికంగా వేధించి.. చంపారు. స్థానికంగా ఉన్న ఓ ఇంట్లో శనివారం బాలుడి మృతదేహం లభ్యమైంది.

ఈ ఘటనపై కేసు నమోదు చేసుకున్న బాబర్​లోయి స్టేషన్ పోలీసులు.. ఇద్దరిని అరెస్ట్ చేశారు. బాలుడి శరీరంపై గాయాలు ఉన్నట్లు శిశు సంక్షేమ సంఘం సభ్యుడు జుబిర్​ మహార్ తెలిపారు. సింధ్​ రాష్ట్రంలో వారంలో ఇది రెండో ఘటన అన్నారు.

పాకిస్థాన్​లోని హిందువులపై అఘాయిత్యాలు పెరిగిపోతున్నట్లు అనేక కథనాలు వచ్చాయి. పాక్​లో చిన్నారులపై లైంగిక దాడులూ పెరుగుతున్నాయి.

ఇదీ చూడండి:అత్యాచారం​ చట్టంపై పాకిస్థాన్​ యూ-టర్న్​