శ్రీలంక కొత్త అధ్యక్షుడిగా గొటాబయ రాజపక్స
శ్రీలంక అధ్యక్ష ఎన్నికల్లో రక్షణ శాఖ మాజీ కార్యదర్శి, శ్రీలంక పోదుజన పెరామునా పార్టీ (ఎస్ఎల్పీపీ) అభ్యర్థి గొటాబయ రాజపక్స ఘన విజయం సాధించారు. ఎన్నికల ఫలితాలను అధికారికంగా ప్రకటించింది ఆ దేశ ఎన్నికల సంఘం. ఆయన విజయంతో రాజపక్స కుటుంబీకులు మరోమారు దేశ అత్యున్నత పదవిని చేజిక్కించుకున్నట్లయింది. లంక మాజీ అధ్యక్షుడు మహిందా రాజపక్స సోదరుడే గొటాబయ.
13 లక్షల ఓట్ల మెజారిటీ..
ఈస్టర్ సండే రోజున 269 మందిని పొట్టన పెట్టుకున్న చర్చి దాడి అనంతరం జరిగిన కీలక ఎన్నికల్లో విపక్ష పార్టీ భారీ విజయం సాధించింది. అధికార పార్టీ అభ్యర్థి ప్రేమదాసపై సుమారు 13 లక్షల ఓట్ల మెజారిటీ సాధించారు గొటాబయ.
రాజపక్సకు 52.25 శాతం ఓట్లు వచ్చాయి. ప్రత్యర్థి ప్రేమదాసకు 41.99 శాతం, ఇతరులకు 5.76 ఓట్లు వచ్చాయి.
రేపే ప్రమాణ స్వీకారం...