జపాన్​ నౌకలో మరో 88 మందికి కరోనా

జపాన్​లోని విహార నౌకలో మరో 88 మందికి ప్రాణాంతకమైన కరోనా సోకినట్లు ఆ దేశ ఆరోగ్యశాఖ వెల్లడించింది. వీరికి ప్రత్యేకంగా చికిత్స అందిస్తున్నట్లు తెలిపింది.

జపాన్‌తీరంలో ఉన్న విహారనౌక డైమండ్‌ ప్రిన్స్‌లో కరోనా బాధితుల సంఖ్య అంతకంతకూ పెరుగుతోంది. తాజాగా మరో 88 మందికి కరోనా వైరస్‌ సోకినట్లు జపాన్‌ ఆరోగ్య శాఖ ఓ ప్రకటనలో తెలిపింది. వీరందరినీ వేర్వేరుగా ఉంచి చికిత్స అందిస్తున్నట్లు పేర్కొంది.

నౌకలో మొత్తం 681 మంది పర్యటకులు ఉండగా.. ఇప్పటివరకూ 542 మందికి కొవిడ్​-19 వైరస్‌ సోకింది. బాధితుల్లో ఆరుగురు భారతీయులు కూడా ఉన్నారు.

ఇదీ చూడండి:'డైమండ్ ప్రిన్సెస్​'లో మరో ఇద్దరు భారతీయులకు కరోనా