ఇండోనేసియా పశ్చిమ కలిమంటన్ ప్రావిన్స్లో ఘోర ప్రమాదం జరిగింది. సముద్రంలోకి చేపల వేటకు వెళ్లిన 18 మత్యకారుల బోట్లు తుపాను ధాటికి మునిగిపోయాయి. ఈ దుర్ఘటనలో 24 మంది ప్రాణాలు కోల్పోయారు. మరో 31 మంది ఆచూకీ గల్లంతైంది.
తుపాను ముప్పుపై అధికారుల హెచ్చరికలతో రెండు టగ్ బోట్లు, కొన్ని ఫిషింగ్ నౌకలు తీరానికి చేరుకున్నాయని, మరికొన్ని తిరుగు ప్రయాణంలో ఉండగా.. ఈ ప్రమాదం జరిగినట్లు రాష్ట్ర విపత్తు నిర్వహణ అధికారి యోపి హర్యాది తెలిపారు. ప్రమాదానికి గురైన బోట్లలోని మొత్తం 83 మందిని కాపాడినట్లు చెప్పారు.