నేపాల్​: నీటిలో మునిగిన బస్సు- 15 మంది మృతి

నేపాల్​లో ఘోర ప్రమాదం జరిగింది. నేపాల్-టిబెట్ సరిహద్దు ప్రాంతంలో ఓ బస్సు నీట మునిగిన ఘటనలో 15 మంది ప్రాణాలు కోల్పోయారు. పలువురికి గాయాలయ్యాయి.

నేపాల్‌లో ఘోర ప్రమాదం చోటుచేసుకుంది. నేపాల్‌-టిబెట్‌ సరిహద్దు జిల్లా సింధుపాల్‌చౌక్‌లో ఓ బస్సు నీట మునిగింది. ఈ ఘటనలో 15 మంది ప్రాణాలు కోల్పోయారు. పలువురికి గాయాలయ్యాయి. బస్సు డోల్ఖా ప్రాంతంలోని మగా డ్యురాలి నుంచి కాఠ్‌మాండూ వెళ్తుండగా సుంకోషి నదిలో పడిపోయింది. ప్రమాద సమయంలో బస్సులో 34 మంది ఉన్నట్లు సమాచారం.

అరానికొ జాతీయ రహదారిపై పయనిస్తున్న సమయంలో అదుపు తప్పిన బస్సు 100 మీటర్లు కిందికి జారుకుంటూ నదిలో పడింది. గాయపడ్డ వారిని ఆస్పత్రికి చేర్చి చికిత్స అందిస్తున్నారు.