'ఇరాన్​ న్యూక్లియర్​ ప్లాంట్​పై ఆంక్షల మాఫీ రద్దు'

అగ్రరాజ్యం అమెరికా, ఇరాన్​ మధ్య కొనసాగుతున్న ఉద్రిక్తతల నడుమ శ్వేతసౌధం మరో కీలక నిర్ణయం తీసుకుంది. ఇరాన్​లోని పోర్డో న్యూక్లియర్ ప్లాంట్​పై విధించిన ఆంక్షల మాఫీని రద్దు చేస్తున్నట్లు ప్రకటించింది.

ఇరాన్ ఫోర్డో న్యూక్లియర్​ ప్లాంట్​లో.. శుద్ధి పనులను తిరిగి ప్రారంభించిన ఇరాన్​పై మళ్లీ ఆంక్షలు విధించింది అమెరికా. పోర్డో న్యూక్లియర్ ప్లాంట్​పై ఇటీవల ప్రకటించిన ఆంక్షల మాఫీని రద్దు చేస్తున్నట్లు అగ్రరాజ్య విదేశాంగ మంత్రి మైక్ పాంపియో వెల్లడించారు.

'యురేనియం శుద్ధిని తిరిగి ప్రారంభిస్తున్నట్లు ఇరాన్​ అధ్యక్షుడు హసన్ రౌహానీ ప్రకటించారు. అందువల్ల పోర్డో ప్లాంట్​పై అమెరికా ప్రకటించిన ఆంక్షల మాఫీని రద్దు చేస్తున్నాం. ఇది డిసెంబర్ 15, 2019 నుంచి అమలులోకి వస్తుంది. ప్రపంచంలో ఉగ్రవాదాన్ని పెంచిపోషిస్తున్న అతి పెద్ద దేశానికి అవసరమైన యురేనియం శుద్ధి సున్నా మాత్రమే.'
-మైక్ పాంపియో, అమెరికా విదేశాంగ మంత్రి.

యురేనియం శుద్ధి చేయడానికి సరైన కారణాలు ఇరాన్ వద్ద లేవని శుద్ధి ప్రక్రియను వెంటనే ఆపేయాలని పాంపియో స్పష్టం చేశారు.

ఇరాన్​తో జరిగిన అణు ఒప్పందం నుంచి 2015లో అమెరికా బయటకు వచ్చింది. చమురు ఎగుమతులపై ఆదారపడ్డ ఇరాన్​పై ఒత్తిడి తేవడానికి ట్రంప్ ప్రభుత్వం ఆంక్షలు విధింస్తోంది. ఇరాన్​తో అన్ని వాణిజ్య సంబంధాలు తెంచుకోవాలని ఇతర దేశాలపై ఒత్తిడి తీసుకువస్తోంది.