హెచ్​-1బీ వీసాదారులకు అమెరికా బంపర్​ ఆఫర్​

ప్రస్తుత కరోనా పరిస్థితుల్లో ఒకే శ్రామిక శక్తి విధానంపై దృష్టి కేంద్రీకరించింది అమెరికా. ఇందుకోసం హెచ్​-1బీ వీసాదారులకు నైపుణ్య శిక్షణలో 15 కోట్ల డాలర్ల పెట్టుబుడులు పెట్టనుంది. కీలక రంగాల్లో శిక్షణ ఇచ్చి ఉపాధి అవకాశాలు కల్పించనుంది.

హెచ్​-1బీ వీసాదారుల కోసం అమెరికా సరికొత్త కార్యక్రమం ప్రవేశపెట్టింది. మధ్య, ఉన్నత స్థాయి నైపుణ్యాలున్న హెచ్​-1బీ వీసాదారులకు వృత్తి శిక్షణ కోసం పెట్టుబడులకు సిద్ధమైంది. ఇందుకోసం 15 కోట్ల డాలర్లు (రూ.1,110 కోట్లు) కేటాయిస్తున్నట్లు ప్రకటించింది.

'హెచ్​-1బీ వన్​ వర్క్​ఫోర్స్​ గ్రాంట్'​ పేరుతో ఈ కార్యక్రమాన్ని రూపొందించింది అమెరికా కార్మిక శాఖ. ప్రస్తుత పరిస్థితుల్లో 'ఒకే శ్రామిక శక్తి' విధానంలో ఆలోచించాలని కార్మిక శాఖ పేర్కొంది. ఐటీ, సైబర్ భద్రత, అధునాతన తయారీ రంగం, రవాణా రంగాలు ఇందులో ముఖ్యమైనవి.

ఉపాధి అవకాశాలు..

దీని ద్వారా ప్రస్తుతం ఉన్న ఉద్యోగుల నైపుణ్యాల పెంపుతో పాటు భవిష్యత్ తరాల అవసరాల కోసం శిక్షణను అందించటం లక్ష్యంగా పెట్టుకున్నారు. ఇందులో నిధులు, వనరులను క్రమబద్ధీకరణ బాధ్యతను ఉపాధి, శిక్షణ శాఖ చేపట్టనుంది.

ఇదీ చూడండి:పొరపాటున పక్కదేశంలో కోట నిర్మించిన అమెరికా!