కత్తితో రెచ్చిపోయిన ఉన్మాది​.. నలుగురు మృతి

అమెరికా కాలిఫోర్నియాలో ఓ గ్యాంగ్​స్టర్​ కత్తులతో బీభత్సం సృష్టించాడు. విచక్షణా రహితంగా దాడులకు పాల్పడ్డాడు. ఈ దుశ్చర్యలో నలుగురు మృతి చెందారు. మరో ఇద్దరు ప్రాణాలతో పోరాడుతున్నారు. దుండగుడిని పోలీసులు అరెస్ట్​ చేశారు.

అమెరికా దక్షిణ కాలిఫోర్నియా... ఓ గ్యాంగ్​స్టర్​ దుశ్చర్యకు ఉలిక్కిపడింది. కత్తులతో విచక్షణారహితంగా దాడులకు తెగబడ్డాడు దుండగుడు. ఈ దుర్ఘటనలో నలుగురు ప్రాణాలు కోల్పోయారు. మరో ఇద్దరు తీవ్రంగా గాయపడ్డారు.

కాలిఫోర్నియాలోని గార్డెన్​ గ్రోవ్​ ప్రాంతంలో దాడులు ప్రారంభించి.. పలు ప్రాంతాల్లో హింసకాండకు పాల్పడ్డాడు.

నిందితుడిని 'జాచరీ కాస్టేనెడా'గా గుర్తించారు పోలీసులు. నెల రోజుల క్రితమే మాదకద్రవ్యాలు, నిషేధిత ఆయుధాల కేసులో జైలు నుంచి బెయిల్​పై విడుదలైనట్లు తెలిపారు.

"దాడులకు పాల్పడేందుకు సాంటా అనాలో ఓ సెక్యూరిటీ గార్డును హత్యచేసి, అతని నుంచి తుపాకీ లాక్కున్నాడు. సమాచారం అందిన వెంటనే అదుపులోకి తీసుకోకపోయుంటే చాలా మందిపై దాడులు చేసేవాడు."
-పోలీసులు

నిందితుడి నుంచి కత్తి, తుపాకీ స్వాధీనం చేసుకున్నారు పోలీసులు.

ఇదీ చూడండి:కశ్మీర్​పై అమెరికాది అదే మొండి వైఖరి!