ఇరాన్పై ట్రంప్ సైనికాధికారాలకు సెనేట్ అడ్డుకట్ట! ఇరాన్పై సైనిక చర్యలను చేపట్టేందుకు అధ్యక్షుడు డొనాల్డ్ ట్రంప్నకు ఉన్న అధికారాలకు అడ్డుకట్టు వేసింది అమెరికా ఎగువసభ సెనేట్. ఇరాన్కు వ్యతిరేకంగా చేపట్టబోయే చర్యలకు కాంగ్రెస్ ఆమోదం తప్పనిసరి చేస్తూ ప్రవేశపెట్టిన తీర్మానానికి ఆమోదం తెలిపింది. సెనేట్లో జరిగిన ఓటింగ్లో అధ్యక్షుడి పార్టీ రిపబ్లికన్కు చెందిన ఎనిమిది మంది తీర్మానానికి అనుకూలంగా ఓటు వేశారు. దాంతో 55-45 ఓట్లతో తీర్మానానికి ఆమోదం లభించింది.
సైనిక చర్యలకు కాంగ్రెస్ ఆమోదం కోసం సెన్ టిమ్ కేయిన్ తీసుకొచ్చిన తీర్మానం.. ఈనెల చివర్లో కాంగ్రెస్ ప్రతినిధుల సభకు చేరనుంది. ట్రంప్ వీటో అధికారాన్ని అడ్డుకోవడానకి మూడింట రెండొంతుల మెజారిటీ అవసరమవుతుంది.
కాంగ్రెస్ అధికారాన్ని సూచిస్తుంది..
కాంగ్రెస్ ఆమోదాన్ని పొందిన తర్వాతే ట్రంప్.. ఇరాన్కు వ్యతిరేకంగా సైనిక చర్యలు చేపట్టాల్సి ఉంటుందని పేర్కొన్నారు సెన్ టిమ్ కేయిన్. ఈ తీర్మానం ట్రంప్, అధ్యక్ష పదవి గురించి కాదని.. యుద్ధాన్ని ప్రకటించడానికి కాంగ్రెస్కే సర్వాధికారాలు ఉన్నాయని తెలపడానికేనని పునరుద్ఘాటించారు. అయితే.. ఈ నిర్ణయం అగ్రరాజ్య బలహీనతగా ఇరాన్కు సందేశమవుతుందన్న ప్రశ్నకు బదులిచ్చారు కేయిన్. ఈ నిర్ణయం ప్రాథమికమైనదని.. మనకు ఉన్న నియమాలు పాటించాలన్నారు. వాటి ద్వారా మంచి నిర్ణయాలు తీసుకోవచ్చని.. అది మనకు ఉన్న బలాన్ని సూచిస్తుందని స్పష్టం చేశారు.
ట్రంప్ విమర్శలు..
అధ్యక్షుడికి ఉన్న ప్రత్యేక సైనికాధికారాలను నియంత్రించేందుకు తీర్మానం చేయటంపై విమర్శలు చేశారు ట్రంప్. జాతీయ భద్రతను దృష్టిలో ఉంచుకుని కేయిన్ ప్రతిపాదనకు వ్యతిరేకంగా ఓటు వేయాలని గత బుధవారం వరుస ట్వీట్లు చేశారు. ఇరాన్ టాప్ కమాండర్ జనరల్ ఖాసీం సులెమానీని మట్టుబెట్టడాన్ని పేర్కొన్నారు. ఇరాన్ విషయంలో సరనై నిర్ణయమే తీసుకున్నామని.. ఇది మన బలహీనతను చూపాల్సిన సమయం కాదని పేర్కొన్నారు.
ఇదీ చూడండి:వాలంటైన్స్ ప్రత్యేకం: బహుమతులపై భారీ తగ్గింపు
