అమెరికాలో మరిన్ని రాష్ట్రాల్లో ఒమిక్రాన్- దక్షిణాఫ్రికాకు WHO బృందం

Omicron Spread In America: అమెరికాలోని పలు రాష్ట్రాల్లో ఒమిక్రాన్ కేసులు బయటపడుతున్నాయి. న్యూయార్క్​ నగరంలో తాజాగా ఐదుగురికి ఒమిక్రాన్​ నిర్ధరణ అయినట్లు అధికారులు తెలిపారు. దీంతో అమెరికాలో మొత్తం ఒమిక్రాన్ కేసుల సంఖ్య ఎనిమిదికి చేరినట్లు స్పష్టం చేశారు. మరోవైపు ఒమిక్రాన్​ వేరియంట్​ వ్యాప్తిని పరిశీలించేందుకు డబ్ల్యూహెచ్​ఓ అధికారుల బృందం దక్షిణాఫ్రికాకు వెళ్లింది.

Omicron Spread In America: అమెరికాలో దాదాపు ఐదు రాష్ట్రాల్లో ఒమిక్రాన్ వేరియంట్​ కేసులు వెలుగుచూశాయి. అగ్రరాజ్యంలో మొదటి ఒమిక్రాన్​ కేసు కాలిఫోర్నియాలో బయటపడగా.. గురువారం న్యూయార్క్​నగరంలో ఐదుగురికి ఈ వేరియంట్ నిర్ధరణ అయినట్లు అధికారులు తెలిపారు. దీంతో అమెరికాలో మొత్తం ఒమిక్రాన్ కేసులు ఎనిమిదికి చేరినట్లు స్పష్టం చేశారు.

దీన్నిబట్టి ఒమిక్రాన్ వేరియంట్​లో చోటుచేసుకున్న మ్యుటేషన్లు ఎంతవేగంగా, సమర్థంగా వ్యాప్తి చెందుతున్నాయో అర్థం అవుతుందన్నారు. ఒమిక్రాన్​ సోకిన బాధితుల్లో కొందరు.. అసలు ఇంట్లో నుంచి బయటకే రాలేదని.. అంటే అమెరికాలో ఒమిక్రాన్​ ఇంతకుముందే వ్యాప్తిచెంది ఉండొచ్చన్నారు.

WHO Team To South Africa: కరొనా కొత్తవేరియంట్ ఒమిక్రాన్​ దక్షిణాఫ్రికాలో వెలుగుచూసిన నేపథ్యంలో.. అక్కడి పరిస్థితిని పర్యవేక్షించేందుకు ప్రత్యేక వైద్య బృందాన్ని ఆ దేశానికి పంపించింది ప్రపంచ ఆరోగ్య సంస్థ(డబ్ల్యూహెచ్​ఓ). ఒమిక్రాన్ తొలికేసు నమోదైన గుటాంగ్‌ ప్రావిన్స్‌లో తమ బృందం పర్యటిస్తుందని డబ్ల్యూహెచ్​ఓ స్థానిక అత్యవసర విభాగ డైరెక్టర్ డాక్టర్. సలామ్ గుయె పేర్కొన్నారు. రోజుల వ్యవధిలోనే ప్రపంచవ్యాప్తంగా 25కుపైగా దేశాలకు ఈ వేరియంట్​ విస్తరించినట్లు తెలిపారు.

Singapore Omicron Cases: సింగపుర్​లో ఒమిక్రాన్ కేసులు క్రమంగా పెరుగుతున్నాయి. తాజాగా దక్షిణాఫ్రికా నుంచి వచ్చిన ఇద్దరికి ఒమిక్రాన్ నిర్ధరణ అయినట్లు అక్కడి వైద్య, ఆరోగ్యశాఖ తెలిపింది. వారిని ఎవరితోనూ కలవనీయకుండా వెంటనే ఐసోలేషన్​కు తరలించి చికిత్స అందిస్తున్నట్లు పేర్కొంది. ఒమిక్రాన్ సోకిన ఇద్దరిలోనూ స్వల్పలక్షణాలే ఉన్నాయని అధికారులు తెలిపారు.

Malaysia Omicron Cases: మలేషియాలో ఒమిక్రాన్​ వేరియంట్ మొదటి కేసు నమోదైంది. దక్షిణాఫ్రికా నుంచి వచ్చిన 19ఏళ్ల విదేశీ యువతికి ఒమిక్రాన్ నిర్ధరణ అయినట్లు మలేషియా వైద్యశాఖ మంత్రి ఖైరీ జమాలుద్దీన్ తెలిపారు. దీంతో ఆమెతోపాటు ఉన్న నలుగురిని క్వారంటైన్​లో ఉంచినట్లు వివరించారు.

ఇదీ చూడండి:Omicron worldwide: ఒమిక్రాన్‌.. ఏ దేశంలోకి ఎప్పుడు?