'గుర్తింపు' కోసమే వార్నర్ ఆత్మాహుతి దాడి!

అమెరికాలోని నాష్​విల్​లో క్రిస్మస్​ రోజు పేలుడుకు పాల్పడ్డ ఆంటోనీ క్విన్​ వార్నర్.. ఘటనకు కొద్ది రోజుల ముందు​ పొరుగు ఇంటి వ్యక్తి రిక్​ లౌడ్​తో చేసిన వ్యాఖ్యలు ఇప్పుడు చర్చనీయాంశమయ్యాయి. ప్రపంచం తనను మర్చిపోదని వార్నర్ అప్పుడు ఎందుకు అన్నాడో తనకు అర్థం కాలేదని చెప్పారు రిక్.

"ప్రపంచం నన్ను ఎప్పటికీ మర్చిపోదు"... అమెరికాలోని నాష్​విల్​లో ఇటీవల ఆత్మాహుతి దాడికి పాల్పడ్డ ఆంటోనీ క్విన్ వార్నర్​ ఘటనకు కొద్ది రోజుల ముందు చేసిన వ్యాఖ్యలివి. ఈ విషయాన్ని అతడి పొరుగు ఇంటి వ్యక్తి రిక్​ లౌడ్ వెల్లడించారు.

"డిసెంబరు 21న వార్నర్​ అతని ఇంటి పోస్ట్​ బాక్స్ వద్ద ఉండగా నేను వెళ్లి పలకరించాను. అతని తల్లి క్షేమసమాచారాలు తెలుసుకున్నాక ఈ క్రిస్మస్​కు నీకు శాంటా ఏమైనా మంచి చేస్తాడా అని అడిగాను. హా అవును.. నాష్​విల్, ప్రపంచం నన్ను ఎప్పటికీ మర్చిపోలేదు అని చిరునవ్వుతో సమాధానం ఇచ్చాడు. వార్నర్​పై నాకు ఎప్పుడూ అనుమానం రాలేదు."

-రిక్​ లౌడ్

అమెరికాలోని టెనెస్సీ రాష్ట్ర రాజధాని అయిన నాష్​విల్​లో క్రిస్మస్​ రోజు బాంబు పేలుడు జరిగింది. ఈ ఘటనలో ముగ్గురికి తీవ్ర గాయాలు కాగా పదుల సంఖ్యలో భవనాలకు ఆస్తి నష్టం సంభవించింది. నిందితుడు మృతిచెందాడు. అయితే ఈ దాడికి కారణాలేంటో ఇప్పటికీ తెలియలేదు.

ఇదీ చదవండి :బైడెన్​ 'శ్వేతసౌధం డిజిటల్​ బృందం'లో కశ్మీరీ