అమెరికాలోని ఫ్లోరిడా నుంచి అంగారకుడిపై పరిశోధనల కోసం పర్సీవరెన్స్ మార్స్ రోవర్ను నింగిలోకి పంపింది నాసా. ఈ వేసవిలో మూడో ప్రయోగంతో పాటు చివరిది కూడా ఇదే. చైనా, యూఏఈ దేశాలు ఈ మిషన్ను గతవారమే ప్రారంభించాయి.
7 నెలల సుదీర్ఘ ప్రయాణం అనంతరం దాదాపు 300 మిలియన్ మైళ్ల దూరం ప్రయాణించి అంగారక గ్రహాన్ని చేరుకోనుంది నాసా అంతరిక్ష నౌక.
జెజెరో ప్రాంతంలో..
అంగారక గ్రహంపై ఒకప్పుడు జీవం ఉండేందుకు.. అత్యధిక అవకాశం ఉన్న ప్రాంతాన్ని రోవర్ దిగేందుకు ఎంపిక చేశారు. ఈ రోవర్ అంగారకుడిపై జెజెరో అనే ప్రాంతంలో దిగబోతోంది. ఇక్కడ కొన్ని వందల కోట్ల సంవత్సరాల క్రితం.. దాదాపు కొల్లేరు సరస్సుకు ఎనిమిది రెట్ల వైశాల్యం ఉన్న సరస్సు ఉండేదని, అది కొన్ని నదులకు నీరు అందించేదని, గత పరిశోధనల ఆధారంగా శాస్త్రవేత్తలు అంచనాకు వేస్తున్నారు. ప్రస్తుతం ఈ ప్రాంతంలో డెల్టా తరహాలో డిపాజిట్లు ఉండడం వలన ఇక్కడ జీవ అవశేషాలు దొరకవచ్చని భావిస్తున్నారు. ఆ ప్రాంతంలో పర్సీవరెన్స్ రోవర్ నమూనాలు సేకరించి భద్రంగా ఉంచుతుంది. వాటిని భూమికి తీసుకువచ్చి ఇక్కడి ల్యాబ్స్‌లో పరిశోధన చేయాలని యోచిస్తున్నారు.
నాలుగు లక్ష్యాలు..