అమెరికాలో ఓ అదృష్టజాతకుడు మిషిగన్ లాటరీలో వందకోట్ల డాలర్లు గెలుచుకున్నాడు. మన కరెన్సీలో అయితే ఈ మొత్తం దాదాపు రూ.7,300 కోట్లు!! వినడానికే ఆశ్చర్యంగా ఉంది కదూ!! అమెరికా చరిత్రలో ఇది మూడో అతిపెద్ద లాటరీ.
బహుమతిని దక్కించుకున్న టికెట్ డెట్రాయిట్లోని ఓ దుకాణంలో అమ్ముడుపోయినట్లు మిషిగన్ లాటరీ తెలిపింది. 'ఈరోజు ఉదయం మిషిగన్లో ఆ అదృష్టజాతకుడు నిద్ర లేవగానే తన జీవితాన్ని సంపూర్ణంగా మార్చి వేసే వార్త వింటాడు. కొత్త మల్టీ మిలియనీర్కు శుభాకాంక్షలు.' అని గ్రాసరీ చైన్ ప్రాంతీయ అధికార ప్రతినిధి రాచెల్ హార్ట్స్ వ్యాఖ్యానించారు.