Hurricane Ida: తుఫాన్​​ ఎఫెక్ట్​- రివర్స్​ గేర్​లో ప్రవహిస్తున్న నది!

అమెరికాను 'ఇడా' హరికేన్(Hurricane Ida) వణికిస్తోంది. ప్రచండ గాలుల ధాటికి మిస్సిసిప్పీ(Mississippi River) నది వ్యతిరేక దిశలో ప్రవహించి ఆశ్చర్యపరిచింది. మరోవైపు.. తుపాను ప్రభావంతో అమెరికా ప్రజలు నానా ఇక్కట్లు పడుతున్నారు.

అమెరికాలో 'ఇడా' హరికేన్‌(Hurricane Ida)​ బీభత్సం సృష్టిస్తోంది. తుపాను ధాటికి ప్రచండ గాలులు వీస్తున్నాయి. ఈ కారణంగా న్యూ ఆర్లీన్స్​​ ప్రాంతంలో మిస్సిసిప్పీ నది(Mississippi River).. వ్యతిరేక దిశలో ప్రయాణించింది. దీన్ని అత్యంత అసాధారణమైన విషయంగా అమెరికా జియోలాజికల్​ సర్వే పేర్కొంది.

కేటగిరీ-4గా (గరిష్టం కన్నా ఒక దశ తక్కువ) ప్రకటించిన ఈ తుపాను.. మెక్సికో ఉత్తర గల్ఫ్‌ను దాటి లూసియానా తీరాన్ని తాకింది. ఇడా.. న్యూ ఆర్లీన్స్​కు దక్షిణాన 160 కిలోమీటర్ల దూరంలో ఉన్న పోర్ట్​ ఫోర్​చౌన్​ వద్ద తీరాన్ని తాకినట్లు జాతీయ హరికేన్​ సెంటర్​ ఆదివారం (స్థానిక కాలమానం ప్రకారం) వెల్లడించింది. ఈ ఘటనలో ఒకరు ప్రాణాలు కోల్పోగా.. పలువురి ఆచూకీ గల్లంతైనట్లు అధికారులు తెలిపారు.

ఇడా తుపాను బీభత్సం కొనసాగుతున్న వేళ.. మిస్సిసిప్పీ నది వెంబడి నిస్సహాయంగా నడుస్తున్న ఓ వ్యక్తి

తుపాను పరిస్థితిని ప్రపంచానికి తెలియజేసేందుకు పాత్రికేయుల కష్టాలు

పోర్టియా పోట్యోక్​ ప్రాంతంలో ఎగసిపడుతున్న సముద్ర అలలను చూస్తున్న స్థానికులు

ప్రచండ గాలులను రక్షించుకోవడానికి ముఖానికి చేతులను అడ్డుపెట్టుకున్న తల్లి, కూతురు.

ఇడా తుపాను ఉద్ధృతిని వీక్షించేందుకు బయటకు వచ్చి టోనీ హిలియార్డ్ కుటుంబం

రూట్​ 90 మార్గంలో వరద నీరు ప్రవాహిస్తుండగా ప్రయాణిస్తున్న కార్లు

రూట్​ 90 మార్గంలో వరద నీటిని ఛేదించుకుంటూ ముందుకెళ్తున్న కారు

ఎగిసిపడుతున్న అలలను ఫొటోలు తీస్తున్న సహాయక సిబ్బంది.

వరద నీటిలో సగం వరకు మునిగిపోయిన పాత కారు.

ఇదీ చూడండి:నేలపై వాలిన మేఘాలు.. పాల సంద్రాన్ని తలపించే దృశ్యాలు