ఎక్కువ అడుగులు వేయండి... ఆయుష్షును పెంచుకోండి!

ఎంత ఎక్కువ నడిస్తే అంత ఆరోగ్యంగా ఉంటారని చెబుతోంది ఓ సర్వే. అంతేకాకుండా రుగ్మతలతో మరణించే అవకాశాలు కూడా తగ్గుతాయంటోంది. నడక వల్ల కలిగే లాభాలపై అమెరికా మెడికల్ అసోసియేషన్​ జర్నల్​లో ఓ పరిశోధనాత్మక కథనం ప్రచురితమైంది. అందులో ఏముందో తెలుసుకుందాం.

ఆధునిక ప్రపంచంలో క్షణం కూడా తీరిక లేకుండా గడుపుతుంటారు. సమయం లేదంటూ ఆరోగ్యంపై దృష్టి పెట్టని వారు కొందరైతే.. శారీరక శ్రమ చేయడానికి ఇష్టపడని వారు మరికొందరు. అయితే శారీరక శ్రమకు మించిన ఆరోగ్యం లేదని చెబుతున్నారు అమెరికాకు చెందిన నేషనల్​ క్యాన్సర్​ విశ్వవిద్యాలయం పరిశోధకులు

రోజూ నడిచే నడకకు ఎన్ని అడుగులు జోడిస్తే అంత ఆరోగ్యం మీ సొంతం అని అంటున్నారు పరిశోధకులు. ఇందుకు సంబంధించిన ఓ పరిశోధనను అమెరికా మెడికల్​ అసోషియేషన్​ జర్నల్​లో ప్రచురించారు. రోజూ ఎంత ఎక్కువ నడిస్తే అంత ఆయుష్షు పెరుగుతుందని చెబుతుందీ సర్వే.

" శారీరక శ్రమ ఆరోగ్యానికి మంచిదనే విషయం మాకు తెలుసు. అయితే రోజు ఎన్ని అడుగులు వేస్తే మంచిదనేది తెలీదు. అంతేకాకుండా కాస్త బలాన్ని ఉపయోగించి అడుగేయడం వల్ల ఎలాంటి ఫలితం ఉంటుందో కూడా తెలీదు. అందుకు వ్యాయామ నిపుణులను కలిసి ఈ ప్రశ్నకు సమాధానాన్ని తెలుసుకోవాలనుకున్నాం."

- పెడ్రో సైంట్​ మారిన్​, నేషనల్​ క్యాన్సర్​ విశ్వవిద్యాలయం

నడవడం వల్ల కలిగే ఉపయోగాలపై గతంలో పలు పరిశోధనలు జరిగాయి. వారు వృద్ధులపై ఈ పరిశోధనలు జరిపారు. ప్రస్తుతం ఈ అధ్యయనం 40ఏళ్ల వయసున్న వారిపై నిర్వహించారు. ఇందులో సుమారు 4,800 మంది పాల్గొన్నారు.

అధిక అడుగులు ఆరోగ్యానికి మేలు

పెద్దల్లో రోజుకు 4 వేల అడుగుల వేసే వారితో పోల్చితే రెట్టింపు 8వేల అడుగులు వేసే వారి ఆరోగ్యం మెరుగుగా ఉంటుందని చెబుతున్నారు పరిశోధకులు. . దీని వల్ల 51 శాతం ప్రాణానికి అత రుగ్మతలతో ముప్పు ఉండదని అంటున్నారు. 12 వేల అడుగులు వేయడం వల్ల 65 శాతం గుండె ప్రమాదాలను నివారించవచ్చన్నారు.