స్పెయిన్లో కరోనా మహమ్మారి విలయతాండవం ఆగడం లేదు. ఒక్కరోజులోనే 759మంది వైరస్కు బలయ్యారు. ఇప్పటి వరకు ఆ దేశంలో మొత్తం 14,555 మంది మరణించగా, కేసుల సంఖ్య 1,46,690కి పెరిగింది. ప్రపంచ వ్యాప్తంగా కరోనా బాధితుల సంఖ్య 14,44,822కు పెరిగి 15 లక్షలకు చేరువైంది. మరణాల సంఖ్య 83,109గా ఉంది. వైరస్ కారణంగా అత్యధికంగా ఇటలీలో 17,127 మంది ప్రాణాలు కోల్పోయారు. ఆ తర్వాతి స్థానాల్లో స్పెయిన్, అమెరికా(12,857) ఉన్నాయి.
కరోనా కేసులు అధికంగా ఉన్న దేశాలు
పాక్లో 4వేలకుపైగా..
పాకిస్థాన్లో కరోనా కేసుల సంఖ్య 4,702కు చేరింది. మొత్తం 58మంది ప్రాణాలు కోల్పోయారు. వైరస్పై పోరులో భాగంగా టాప్ కమాండర్లంతా ప్రభుత్వానికి మద్దతుగా నిలవాలని ఆ దేశ సైన్యాధిపతి ఖమార్ జావేద్ భాజ్వా సూచించారు. కరోనా కట్టడికి ప్రజలంతా సహకరించాలని పాక్ ప్రధాని ఇమ్రాన్ ఖాన్ విజ్ఞప్తి చేశారు. అధికారుల సూచనల మేరకు స్వీయ నిర్భంధంలో ఉండాలని కోరారు. పాక్ పంజాబ్లోని జైళ్లలో శిక్ష అనుభవిస్తున్న 50మంది ఖైదీలకు కరోనా పాజిటివ్గా తేలినట్లు అధికారులు వెల్లడించారు.
ఇదీ చూడండి: వైరస్ పుట్టినిల్లు వుహాన్లో లాక్డౌన్ ఎత్తివేత