వైరల్: నీటి అడుగున అనకొండ సరదా ఆటలు

ఒక పెద్ద అనకొండ నీటి అడుగు భాగాన ఆనందిస్తున్న వీడియో సామాజిక మాధ్యమాల్లో వైరల్​గా మారింది. భారీ, గంభీర జీవి అయినప్పటికీ సరదాగా ఆడుకుంటూ సమయాన్ని గడుపుతోన్న అనకొండ వీడియో నెటిజన్లను తెగ ఆకట్టుకుంటోంది.

పాములు నీటిలో తేలియాడటం మామూలే. కానీ అనకొండ నీటిలో మునిగి హాయిగా.. సేదతీరడం మీరెప్పుడైనా చూశారా? అనకొండ ఏంటీ..? సరదాగా ఎంజాయ్ చేయడం ఏంటి? అనుకుంటున్నారా? అయితే ఈ వీడియో చూసేయాల్సిందే.!

వివిధ ప్రదేశాల్లో పర్యటిస్తూ సాహసాలు చేసే బ్రియాన్ బార్జిక్ అనే జంతు ప్రేమికుడు తన ఇన్‌స్టాగ్రామ్‌ ఖాతాలో షేర్​ చేసిన ఈ వీడియో 1.7 మిలియన్ వ్యూస్​తో దూసుకెళ్తోంది. పాముల సంరక్షణ కేంద్రం(రెప్టోరియం)లో ఉన్న ఈ పసుపు పచ్చని అనకొండ పేరు 'ఐవీ' అని ఆయన తెలిపారు.

అదిరిపోయే కామెంట్లు..

నీటిలో పైకి కిందకు తేలుతూ ఆనందంగా బుడగలు వదులుతున్న ఐవీ అనే ఈ అనకొండ చేష్టలకు ఫిదా అయిన నెటిజన్లు విపరీతంగా స్పందిస్తున్నారు.

• 'వావ్ ఇది ఎంత పెద్దగా ఉందో.. చిన్నపిల్లలా ఆడుకుంటుంది కదూ' అంటూ ఒకరు కామెంట్ చేశారు.
• ఇదొక అందమైన జంతువు.. దాని శరీరమంతా గందరగోళంలా చుట్టేసుకుని విహరిస్తోంది అని మరొకరు అన్నారు.
• 'పాము జాతిలో ఈ తరహా చేష్టలు చాలా అరుదు.. ఇదొక అద్భుతం' అని ఒకరు.. ఐవీ నీ రంగు సూపర్ అంటూ మరొకరు అన్నారు.

ఇవీ చదవండి: