అమెరికా ఫ్లోరిడాలో ల్యాండ్ అవుతుండగా.. బోయింగ్-737 విమానం రన్వేపై అదుపు తప్పి పక్కనే ఉన్న నదిలోకి దూసుకెళ్లింది. క్యూబా నుంచి అమెరికా వచ్చిన ఈ విమానం ఫ్లోరిడాలోని జాక్సన్విల్లేలో దిగుతుండగా ఈ ప్రమాదం జరిగింది. విమానంలో ఏడుగురు సిబ్బందితో పాటు 136 మంది ప్రయాణికులున్నారు. అధికారులు యుద్ధప్రాతిపదికన సహాయక చర్యలు చేపట్టారు. గాయపడిన కొందరిని ఆసుపత్రికి తరలించారు. చికిత్స పొందుతున్న వారి ఆరోగ్యం నిలకడగా ఉందని అధికారులు తెలిపారు. ఘటనపై విచారణ చేపట్టి ప్రమాదానికి గల కారణాలు తెలియజేస్తామన్నారు.
నదిలోకి విమానం- ప్రయాణికులు సురక్షితం