బ్రెజిల్, సావో పౌలో సమీపంలోని జోర్డిమ్లో ఓ రేడియో స్టేషన్. అక్కడ ఓ షో లైవ్ జరుగుతోంది. వ్యాఖ్యాత, అతిథులు మాట్లాడుతున్నారు. ఎంతో మంది లైవ్లో వింటున్నారు. కొందరు ఇంటర్నెట్లో ఆ కార్యక్రమాన్ని చూస్తున్నారు.
ఒక్కసారిగా ముగ్గురు దుండగులు తుపాకులతో స్టూడియోలోకి వచ్చారు. అందరినీ బెదిరించి నగలు, సెల్ఫోన్లు, గడియారాలు దోచుకెళ్లారు. అందరూ చూస్తుండగా జరిగిన ఈ ఘటన స్థానికంగా సంచలనం సృష్టించింది.
లైవ్ చూస్తున్న కొందరు వీక్షకులు పోలీసులకు సమాచారం అందించారు. అప్పటికే దొంగలు అక్కడి నుంచి జారుకున్నారు. ఘటనపై కేసునమోదు చేసిన పోలీసులు నిందితుల కోసం గాలిస్తున్నారు.