దక్షిణాఫ్రికాలో వెల్లివిరిసిన ఓటరు చైతన్యం

దక్షిణాఫ్రికాలో పార్లమెంటరీ, అధ్యక్ష ఎన్నికల పోలింగ్​ ముగిసింది. శనివారం ఫలితాలు వెలువడతాయి. మొత్తం 48 పార్టీలు ఎన్నికల బరిలో నిలిచాయి.

దక్షిణాఫ్రికా అధ్యక్ష, పార్లమెంటరీ ఎన్నికల పోలింగ్​ బుధవారం ముగిసింది. 48 పార్టీలు ఎన్నికల బరిలో నిలిచాయి. దక్షిణాఫ్రికాలో ప్రతి ఐదేళ్లకు ఎన్నికలు జరుగుతాయి.

దక్షిణాఫ్రికాలో ప్రస్తుతం జరిగిన ఆరో ఎన్నికల్లో సుమారు 2 కోట్ల 60 లక్షల మంది​ ఓటర్లు పాల్గొన్నారని స్వతంత్ర ఎన్నికల సంఘం (ఐఈసీ) తెలిపింది. 1994 తర్వాత ఇంత పెద్ద ఎత్తున ఓటింగ్​ జరగడం ఇదే ప్రథమమని వెల్లడించింది. ఎన్నికల ఫలితాలు శనివారం విడుదల కానున్నాయి.

తన నేతృత్వంలోని ఆఫ్రికన్ నేషనల్ కాంగ్రెస్ తప్పక విజయం సాధిస్తుందని విశ్వాసం వ్యక్తం చేశారు ప్రస్తుత అధ్యక్షుడు సిరిల్​ రామఫోసా.

స్వతంత్రం వచ్చి 25 ఏళ్లు గడిచినా దేశం అభివృద్ధిలో ఏ మాత్రం ముందడుగు వేయలేదని, అవినీతి, నిరుద్యోగ సమస్య తీవ్రంగా ఉందని కొంత మంది ఓటర్లు అభిప్రాయపడ్డారు.

ఇదీ చూడండి: ఆంక్షలపై ఇరాన్​ ఎదురుదాడి- ఎత్తివేతకు డెడ్​లైన్​