Vijay Devarkonda Samantha Relationship : రౌడీ బాయ్ విజయ్ దేవరకొండకు సంబంధంచి ఓ ఆసక్తికరమైన పోస్ట్ను తన ఇన్స్టాగ్రామ్ హ్యాండిల్లో అభిమానులతో పంచుకున్నారు టాలీవుడ్ హీరోయిన్ సమంత. "విజయ్ దేవరకొండ.. నీ ఉన్నతస్థాయి, సంతోషాలను అలాగే నీ కష్టాలనూ నేను చూశాను. నువ్వు చివర్లో ఉండటాన్ని చూశాను. ప్రథమస్థానంలోకి వచ్చినప్పుడూ చూశా. నీ జీవితంలోని ఎత్తుపల్లాలను చూశాను. ఎలాంటి సమయాల్లోనైనా కొంతమంది స్నేహితులు మనతోనే ఉండిపోతారు" అని ఆమె రాసుకొచ్చారు. దీనిపై రౌడీ బాయ్ స్పందిస్తూ.. సామ్ తన ఫేవరెట్‌ లేడీ అని చెప్పారు. ప్రస్తుతం ఈ ఫొటో నెట్టింట వైరల్గా మారింది. దీనిని చూసిన నెటిజన్లు.. వీరి ఫ్రెండ్‌షిప్‌ చూడముచ్చటగా ఉందంటూ కామెంట్స్ చేస్తున్నారు. కాగా, ప్రస్తుతం వీరిద్దరూ కలిసి ఖుషి సినిమాలో నటిస్తున్నారు. ఇక ప్రస్తుతం ఈ షూటింగ్ షెడ్యూల్ టర్కీలో జరుగుతోంది. ఇప్పటికే టర్కీలో వీరిద్దరు ఎంజాయ్ చేస్తున్న ఫొటోలను వారిద్దరూ షేర్ చేశారు.
Kushi Movie 2023 : ఇక ఖుషి సినిమా విషయానికి వస్తే.. 'మహానటి' తర్వాత మరోసారి ఈ సినిమాలో స్క్రీన్ షేర్ చేసుకుంటున్నారు సమంత-విజయ్ దేవరకొండ జంట. శివ నిర్వాణ తెరకెక్కిస్తున్న ఈ యాక్షన్ లవ్ స్టోరీ మూవీ ఎన్నో అంచనాలతో రిలీజౌతోంది. ఇందులో సచిన్ ఖేడేకర్, జయరామ్, లక్ష్మీ, మురళీ శర్మ, రోహిణి, రాహుల్ రామకృష్ణ, అలీ, వెన్నెల కిశోర్, శ్రీకాంత్ అయ్యంగార్, శరణ్య ప్రదీప్ లాంటి స్టార్స్ కీలక పాత్రలు పోషించారు. కశ్మీర్‌ బ్యాక్‌డ్రాప్లో తెరకెక్కుతున్న ఈ సినిమాను మైత్రీ మూవీ మేకర్స్ నిర్మిస్తోంది.