Vaishnav Tej Adikesava Movie : చిరంజీవి మేనల్లుడిగా ఇండస్ట్రీలోకి అడుగు పెట్టి.. 'ఉప్పెన' సినిమాతో హీరోయిగా పరిచయమయ్యారు వైష్ణవ్ తేజ్. మొదటి సినిమానే నేషనల్ అవార్డు అందుకొని వైష్టవ్కు మంచి పునాదే వేసింది. ఆయన నటిస్తున్న తాజా చిత్రం 'ఆదికేశవ'. శ్రీకాంత్‌ ఎన్‌.రెడ్డి దర్శకత్వంలో తెరకెక్కిన ఈ సినిమాలో శ్రీలీల హీరోయిన్గా నటిస్తున్నారు. అయితే ఈ చిత్రం నవంబర్ 24న ప్రేక్షకుల ముందుకు రానుంది. ఈ నేపథ్యంలో చిత్ర బృందం ప్రమోషన్స్ పనిలో బిజీగా ఉంది. ఇందులో భాగంగా వైష్ణవ్ తేజ్.. తాజాగా ఇచ్చిన ఓ ఇంటర్వ్యూలో మోగాస్టార్ చిరంజీవితో తనకున్న అనుబంధం గురించి చెప్పారు. ఇందులో భాగంగా తన తల మీద చిరు అని అక్షరాలు వచ్చేలా క్రాఫ్ చేయించుకున్న ఫోటోపై వైష్ణవ్ తేజ్ వివరణ ఇచ్చారు.
"పెద్ద మామయ్య పుట్టినరోజుకు అందరూ ఏదో ఒక గిఫ్ట్ ఇస్తున్నారు. సాయి ధరమ్ తేజ్ పెద్ద కత్తిని బహుమతిగా ఇచ్చాడు. అయితే ఆయనకు నేనేం ఇవ్వగలుగుతాను.. నా ప్రాణం తప్ప అని అనిపించింది. ఆ సమయంలోనే నేను ఒక ఫుట్ బాల్ మ్యాచ్ చూశాను. అందులో ఫుట్ బాల్లా హెయిర్ కట్ చేయించటం చూసి.. నేను కూడా అలా చేసి సర్ప్రైజ్ చేద్దామని ఫిక్స్ అయ్యాను. ఇక చిరు అని వచ్చేలా క్రాఫ్ చేయించుకున్నా. ఇక మా ఫ్యామిలో ఏ వేడుక జరిగినా రామ్‌ చరణ్‌ అందరినీ ఆకట్టుకుంటాడు. ఎంతో హుందాగా ఉంటాడు. మా అన్నయ్య సాయిధరమ్‌ తేజ్ బాగా అల్లరి చేస్తాడు. తన యాక్సిడెంట్‌ మా అందరికీ ఒక చేదు జ్ఞాపకం. దాన్ని మేమంతా ఎప్పుడో మర్చిపోయాం." అని వైష్టవ్ తేజ్ చెప్పారు. ప్రస్తుతం ఈ వ్యాఖ్యలు నెట్టింట తెగ ట్రెండ్ అవుతున్నాయి.