టాలీవుడ్ సూపర్ స్టార్ మహేశ్ బాబు నటిస్తున్న లేటెస్ట్ మూవీ SSMB28. మాటల మాంత్రికుడు త్రివిక్రమ్ దర్శకత్వంలో దాదాపు 12 ఎళ్ల తర్వాత మహేశ్ బాబు నటిస్తున్నారు. అయితే ఈ సినిమాపై అభిమానుల్లో భిన్నాభిప్రాయాలు వ్యక్తమౌతున్నాయి. కొంతమందేమో ఇది యాక్షన్ ఎంటర్టైనర్ అని అంటుంటే.. మరికొందరు ఈ మూవీ కచ్చితంగా ఫ్యామిలీ ఎంటర్టైనర్ అని తేల్చి చెప్తున్నారు.
ఇక ఈ సినిమాలో మహేష్ ఈ సినిమాలో సాలిడ్ లుక్లో కనిపించనున్నారని తెలుస్తోంది. ఇప్పటికే ఈ సినిమా కోసం భారీ అంచనాలతో ఎదురుచూస్తున్న ఫ్యాన్స్ కోసం ఓ క్రేజీ అప్డేట్తో ముందుకు వచ్చేసింది మూవీ టీమ్. మూవీ రిలీజ్ డేట్ను ట్విట్టర్ వేదికగా ఓ పోస్టర్ ద్వారా ప్రకటించింది. ఆ పోస్టర్లో అదిరిపోయే లుక్లో కనిపించాడు మహేశ్ బాబు. ఓ మిర్చి యార్డ్లో సిగరెట్ తాగుతూ నడుచుకుంటూ స్టైలిష్గా నడుస్తూ వస్తుంటారు. అందులోనే మూవీని వచ్చే ఏడాది సంక్రాంతికి అంటే జనవరి 13న రిలీజ్ చేయనున్నట్లు ప్రకటించారు. అయితే మూవీ టీమ్ ఈ సినిమాకు టైటిల్ ఫిక్స్ చేయనట్లు తెలుస్తోంది. దీంతో ప్రస్తుతం ఎస్ఎస్ఎంబీ 28 అనే వర్కింగ్ టైటిల్తో రూపొందుతుంది. ఇక ఈ సినిమాలో మహేశ్ బాబు సరసన పూజా హెగ్డే హీరోయిన్గా నటిస్తున్నారు. మరోవైపు ఈ సినిమాలో యంగ్ హీరోయిన్ శ్రీ లీల ఓ కీలక పాత్రలో కనిపించనుంది. మ్యూజిక్ డైరెక్టర్ తమన్ ఈ సినిమాకు సంగీతం సమకూరుస్తున్నారు.