టాలీవుడ్ సూపర్‌స్టార్‌ మహేశ్ బాబు-మాటల మాంత్రికుడు త్రివిక్రమ్‌ కాంబోలో వస్తున్న సినిమా 'SSMB 28'. ఈ సూపర్ హిట్‌ కలయికలో వస్తోన్న మూడో సినిమా కావడం వల్ల అభిమానుల్లో భారీ అంచనాలు నెలకొన్నాయి. అయితే అభిమానులు ఇంతలా ఆసక్తి కనబరుస్తున్న ఈ సినిమాకు సంబంధించిన ఏ వార్త అయినా సరే ఇప్పుడు నెట్టింట ట్రెండ్ అవుతోంది. ఈ క్రమంలో ఇటీవలే వచ్చిన ఓ రూమర్ ఇప్పుడు సోషల్ మీడియాలో సెన్సేషన్ సృష్టిస్తోంది.
ఇప్పటికే ఈ సినిమా కొన్ని షెడ్యూళ్లను పూర్తి చేసుకుంది. అయితే మహేశ్, త్రివిక్రమ్‌ మధ్య ఏదో గొడవ జరగడం వల్ల ఈ సినిమా షూటింగ్‌ మధ్యలోనే ఆగిపోయిందని సోషల్ మీడియాలో విసృత ప్రచారం జరిగింది. అంతే కాకుండా ఈ వార్తపై ఇదే వేదికలపై రకరకాల కామెంట్స్‌ కూడా వినిపించాయి. సినిమా వదిలేసి మహేశ్ బాబు సమ్మర్‌ వెకేషన్‌కు వెళ్లారని.. అందుకే కాస్త బ్రేక్ ఇచ్చారంటూ ఫ్యాన్స్ తెగ కామెంట్స్‌ చేశారు. ఈ వార్త విన్న అభిమానులు ఒక్కసారిగా షాక్కు గురయ్యారు. దీంతో ఆ వార్తపై స్పందించిన 'SSMB 28' నిర్మాత నాగవంశీ.. ట్విట్టర్ వేదికగా క్లారిటీ ఇచ్చారు. అలాంటివేమీ లేదని తేల్చి చెప్పారు. సినిమా అప్డేట్ కోసం ఫ్యాన్స్ వేచి ఉండాలని.. మీ కోసం మంచి అప్డేట్ ఇస్తామని కోరారు.