Nagachaitanya Samantha divorce: వైవాహిక జీవితానికి ముగింపు పలికిన రోజు నుంచి.. నాగచైతన్య గానీ, సమంత గానీ ఎందుకు విడాకులు తీసుకున్నారో తెలపలేదు. దీనికి సంబంధించిన ప్రశ్నలు ఎదురైనప్పటికీ సున్నితంగా పక్కకు తప్పుకున్నారు. తాజాగా ఈ విషయమై సామ్ స్పందించినట్లు తెలిసింది. సీజన్‌-7లో భాగంగా ఇటీవలే ఆమె 'కాఫీ విత్ కరణ్' షోలో పాల్గొన్నారు. ఈ సందర్భంగా సినిమా కెరీర్‌తో పాటు, నాగచైతన్య బంధానికి ఎందుకు ముగింపు పలకాల్సి వచ్చిందో కూడా చెప్పినట్లు బాలీవుడ్‌ వర్గాల సమాచారం.
డిస్నీ+హాట్‌స్టార్‌ వేదికగా జులై 7న ఈ ఎపిసోడ్‌ టెలికాస్ట్‌ కానుందట. ప్రస్తుతం సోషల్‌ మీడియాలో ఈ వార్తలు వైరల్‌ అవుతుండటం వల్ల ఈ షో ఎప్పుడెప్పుడు చూద్దామా? అని ఇటు సామ్ అభిమానులతో పాటు అటు చైతూ ఫ్యాన్స్‌ ఆసక్తిగా ఎదురు చూస్తున్నారు.