RRR Bridge sequence VFX video: దర్శకధీరుడు రాజమౌళి ప్రతిష్టాత్మకంగా తెరకెక్కించిన చిత్రం 'ఆర్ఆర్ఆర్'. రామ్‌చరణ్‌, తారక్‌ ప్రధాన పాత్రలు పోషించారు. మార్చి 25న రిలీజ్ అయిన ఈ మూవీ ప్రపంచవ్యాప్తంగా రూ.1100 కోట్లకు పైగా వసూలు చేసింది. ఓటీటీలోనూ సూపర్ రెస్పాన్స్ను అందుకుంది.
కాగా, ఈ చిత్రంలో చరణ్‌-తారక్‌లు మొదటిసారి కలుసుకున్నప్పుడు చూపించే బ్రిడ్జ్‌, ట్రైన్‌ యాక్సిడెంట్‌ సీక్వెన్స్‌లు ప్రేక్షకుల చేత ఔరా అనిపిస్తున్నాయి. రాజమౌళి టేకింగ్‌ని, కెమెరా పనితనాన్ని, వీఎఫ్‌ఎక్స్‌.. ఇలా టీమ్‌ మొత్తాన్ని అందరూ మెచ్చుకున్నారు. ఈ నేపథ్యంలో 'ఆర్ఆర్ఆర్'కు వీఎఫ్‌ఎక్స్‌ ఎలా క్రియేట్ చేశారో తెలియజేస్తూ తాజాగా ఓ వీడియో బయటకు వచ్చింది.