Rana Rakshasa Raja Movie :ఓ విలక్షణ నటుడిగా, సూపర్ విలన్గా ప్రేక్షకుల ఆదరాభిమానాలు పొందారు టాలీవుడ్ స్టార్ హీరో రానా. లీడర్ సినిమాతో ఇండస్ట్రీలోకి తెరంగేట్రం చేసిన రానా ఆ తర్వాత వరుస సినిమాలతో అభిమానులను ఆకట్టుకున్నారు. 'కృషం వందే జగద్గురుం', 'నేను నా రాక్షసి', 'నేనే రాజు నేనే మంత్రి', 'బాహుబలి', 'ఘాజీ', 'విరాట పర్వం' లాంటి సినిమాల్లో తనదైన శైలిలో నటించిన ఈయనకు 'బాహుబలి' బిగ్ బ్రేక్ ఇచ్చింది. ఇందులో ఆయన విలన్ క్యారెక్టర్ చేసినప్పటికీ తన నటనకు మంచి మార్కులు పడ్డాయి.
ఇక సినిమాల్లో నటిస్తూనే రానా వెబ్ సిరీస్ లోకంలోకి అడుగుపెట్టారు. తన బాబాయ్ వెంకటేశ్తో కలిసి 'రానా నాయుడు' అనే వెబ్ సిరీస్లో మెరిశారు. ఈ సీరిస్ ప్రేక్షకుల నుంచి విమర్శలు అందుకున్నప్పటికీ అత్యథిక వ్యూవ్స్తో టాప్ పొజిషన్లో ఉంది. అయితే వీటి తర్వాత రానా తాజాగా ఇప్పుడు 'హిరణ్య కశ్యప' అనే సినిమాకు సైన్ చేశారు. అంతే కాకుండా ఈ సినిమాతో పాటు తలైవర్ 170గా తెరకెక్కుతున్న వెట్టయన్ సినిమాలోనూ రానా కీ రోల్ ప్లే చేస్తున్నారు. ప్రస్తుతం ఈ మూవీ పనుల్లో బిజీగా ఉన్నారు.
అయితే ఈ మధ్యలోనే రానా మరో స్టార్ డైరెక్టర్ మూవీకి సైన్ చేశారు. ఆయనెవరో కాదు రానాకు 'నేనే రాజు నేనే మంత్రి' లాంటి సూపర్ హిట్ మూవీని అందించిన తేజ. వీరిద్దరి కాంబోలో ఇప్పుడు 'రాక్షస రాజా' అనే సినిమా తెరకెక్కనుంది. నేడు రానా బర్త్డే ఈ సందర్భంగా మూవీ మేకర్స్ దీనికి సంబంధించిన సాలిడ్ పోస్టర్ రివీల్ చేశారు. అందులో రానా ఓ పెద్ద గన్ పట్టుకుని సీరియస్ లుక్లో కనిపించారు. దీన్ని చూసిన అభిమానులు మూవీ టీమ్కు ఆల్ ద బెస్ట్ చెప్తున్నారు.