Adipurush Pre Release Event : ప్రభాస్ 'ఆదిపురుష్' సినిమా మరో పది రోజుల్లో వరల్డ్ వైడ్గా గ్రాండ్గా రిలీజ్ కాబోతుంది. దీంతో తిరుపతిలోని ఎస్వీయూ గ్రౌండ్స్ వేదికగా 'ఆదిపురుష్' ప్రీ రిలీజ్ ఈవెంట్ అట్టహాసంగా నిర్వహించనుంది మూవీటీమ్. అత్యంత ఘనంగా నిర్వహించేందుకు నిర్మాతలు ఏర్పాట్లు చేస్తున్నారు. వేదికను సైతం మునుపెన్నడు లేని విధంగా భారీ స్థాయిలో తీర్చిదిద్దుతున్నారు. స్టేజ్ ప్రిపరేషన్ నుంచి ఆర్టిస్టుల పెర్ఫార్మెన్స్ వరకు అన్నింటిని అన్ని గ్రాండ్గా ఉండేలా చకచకా ఏర్పాట్లు చేస్తున్నారు.
దీంతో ప్రభాస్ ఫ్యాన్స్తో పాటు సినీ లవర్స్ ఈ ఈవెంట్ కోసం ఎంతగానో ఎదురు చూస్తున్నారు. తమ అభిమాన హీరో స్టేజ్పై మాట్లాడుతుంటే చూడాలని, ఆయన మాట వినాలని ఆసక్తిగా ఉన్నారు. అయితే ఇప్పుడు ఈ ప్రీ రిలీజ్ ఈవెంట్ సంబరాలు ఒక్క రోజు ముందే ప్రారంభమైపోయాయి. అభిమానులు, నెటిజన్లంతా.. సోషల్ మీడియాలో ఈ ఈవెంట్కు సంబంధించిన వివరాలను, సినిమా పోస్టర్లను పోస్ట్ చేస్తూ విపరీతంగా ట్రెండ్ చేస్తున్నారు. ఈ రోజు ఎప్పుడు ముగుస్తుందా.. ఈవెంట్ ఎప్పుడెప్పుడు ప్రారంభం అవుతుందా అని ఆసక్తిగా ఎదురుచూస్తున్నారు.
చీఫ్ గెస్ట్గా చిన్నజీయర్ స్వామి..
Adipurush Event Tirupati : ఈ వేడుకకు అతిథిగా ఎవరు వస్తారంటూ చిత్రబృందం రెండు రోజుల నుంచి అభిమానుల్లో ఆసక్తి పెంచుతూ పోస్టర్లు విడుదల చేసింది. తాజాగా ఆ అతిథి ఎవరో చెబుతూ ట్వీట్‌ కూడా చేసింది. స్పెషల్ గెస్ట్గా ప్రముఖ ఆధ్యాత్మికవేత్త చినజీయర్‌ స్వామి రాబోతున్నట్లు తెలిపింది. ఇకపోతే ఈయనతో పాటు పలువురు సినీ రాజకీయ ప్రముఖులు కూడా హాజరు కానున్నారని తెలిసింది. రామాయణం ఆధారంగా ఈ సినిమా తెరకెక్కించడంతో.. ప్రీ రిలీజ్ ఈవెంట్ను ఆధ్యాత్మికత ఉట్టిపడేలా నిర్వహించనున్నట్లు సమాచారం. అందుకే చినజీయర్‌ స్వామిని ఆహ్వానించారట. ఇక ఈ వేడుకలో దాదాపు 200 మంది సింగర్స్‌, 200 మంది డ్యాన్సర్లు ప్రదర్శన ఇవ్వనున్నారని తెలిసింది.
బైక్పై ముంబయి టు తిరుపతి.. ఈ చిత్రానికి మ్యూజిక్ అందించిన దిగ్గజ ద్వయం అజయ్-అతుల్లో ఒకరైన అతుల్ గోగావలే..ఆదిపురుష్ సినిమాపై తనకున్న అభిమానాన్ని చాటుకున్నారు. బైక్పై ముంబయి నుంచి తిరుపతికి ఆయన ప్రయాణించారు. జూన్ 3న రాత్రి ముంబయిలో బయలుదేరి జూన్ 5న తిరుపతికి చేరుకున్నారు. ఇక ఆయన్ను ప్రభాస్ ఫ్యాన్స్తో పాటు తిరుపతి ప్రజలు సాదరంగా స్వాగతించారు. ఇక తిరుపతి చేరుకున్న తర్వాత తన సోదరుడు అజయ్తో కలిసి వెంకటేశ్వర స్వామిని దర్శించుకుని ఆయన పాదాల వద్ద జైశ్రీరామ్ పాటను సమర్పించనున్నారు.
సోషల్మీడియాలో ఫుల్ ట్రెండ్.. సామాజిక మాధ్యమాల్లో ప్రస్తుతం ఆదిపురుష్ ప్రీరిలీజ్ ఈవెంట్ అనే హ్యాష్ట్యాగ్ఫుల్ ట్రెండ్ అవుతోంది. ఈవెంట్ జరగనున్న ప్రదేశానికి ఒకరోజు ముందుగానే అభిమానులు చేరుకుని.. అక్కడి ఫొటోలు, వీడియోలు తీసుకుని పోస్ట్ చేస్తూ సంబరాలు చేసుకుంటున్నారు. దీంతో సోషల్ మీడియా అంతా 'ఆదిపురుష్' పోస్టర్లు, ప్రీ రిలీజ్ ఈవెంట్ల ఏర్పాట్లకు సంబంధించిన ఫొటోలతో నిండిపోయింది. ఇకపోతే ఈవెంట్లో ప్రభాస్ ఏం మాట్లాడతారా అని ఆసక్తిగా ఎదురుచూస్తున్నారు. మరోవైపు మూవీ టీమ్ కూడా కౌంట్డౌన్తో రోజుకో పోస్టర్ రిలీజ్ చేస్తూ అభిమానుల్లో ఉత్కంఠ రేపుతోంది.
