పవర్స్టార్ పవన్ కల్యాణ్ ఓ వైపు సినిమాల్లో నటిస్తూనే మరోవైపు రాజకీయాల్లోనూ బిజీగా గడుపుతున్నారు. ఆయన ప్రస్తుతం నటిస్తున్న సినిమాల్లో 'వినోదయ సీతం' రీమేక్ ఒకటి. తన మేనల్లుడు మెగా హీరో సాయి ధరమ్ తేజ్తో కలిసి ఈ చిత్రంలో నటిస్తున్నారు. ఈ ప్రాజెక్ట్పై అభిమానులు మంచి అంచనాలు ఉన్నాయి. ఇప్పటికే ఈ సినిమా హైదరాబాద్లో శరవేగంగా షూటింగ్ జరుపుకుంటోంది. అయితే తాజాగా ఈ సినిమా విడుదల తేదీని ఖరారు చేసుకుంది. జులై 28న థియేటర్లలో విడుదల కానున్నట్లు మేకర్స్ తెలిపారు. మాతృకకు దర్శకత్వం వహించినా కోలీవుడ్ స్టార్ డైరెక్టర్ అండ్ యాక్టర్ సముద్రఖనినే ఈ రీమేక్ను కూడా డైరెక్ట్ చేస్తున్నారు.
ఇకపోతే ఈ చిత్రంలో కేతికా శర్శ హీరోయిన్గా నటిస్తోంది. ఇంకా మలయాళ ముద్దుగుమ్మ ప్రియా ప్రకాశ్ వారియర్, బ్రహ్మానందం, రోహిణి, తనికెళ్ల భరణి, రాజా చెంబోలు, సుబ్బరాజు కీలక పాత్రల్లో నటిస్తున్నారు. పీపుల్‌ మీడియా ఫ్యాక్టరీ బ్యానర్పై టీజీ విశ్వప్రసాద్‌తో పాటు వివేక్‌ కూచిబొట్లలు ఈ సినిమాను సంయుక్తంగా నిర్మిస్తున్నారు. ఫాంటసీ కామెడీ డ్రామా నేపథ్యంలో ఈ మూవీ రూపొందుతోంది. మాటల మాంత్రికుడు త్రివిక్రమ్‌ శ్రీనివాస్‌ ఈ తెలుగు వెర్షన్‌ కోసం మాటలు అందిస్తున్నారు. ఎస్‌ తమన్ స్వరాలు సమకూరుస్తున్నారు.