PavanKalyan As Producer: త‌మిళ చిత్రసీమలో ప‌లు విజ‌య‌వంత‌మైన చిత్రాల‌కు సినిమాటోగ్రాఫ‌ర్‌గా ప‌నిచేసిన రవి.కె.చంద్రన్... మహేశ్బాబు 'భ‌ర‌త్ అనే నేను' సినిమాతో కెమెరామెన్గా టాలీవుడ్‌లోకి ఎంట్రీ ఇచ్చారు. ఈ స‌క్సెస్ త‌ర్వాత ప‌వ‌న్‌ క‌ల్యాణ్ 'భీమ్లానాయ‌క్' సినిమాకు ఛాయాగ్రాహకుడిగా ప‌నిచేశారు. రవి.కె.చంద్రన్ విజువ‌ల్ స్టోరీ టెల్లింగ్ అద్భుత‌మంటూ సినిమా ప్ర‌మోష‌న్స్లో ఆయనపై ప‌వ‌న్‌ ప్ర‌శంస‌లు కూడా కురిపించారు.
తాజాగా రవి.కె.చంద్రన్ ద‌ర్శ‌క‌త్వం వ‌హిస్తున్న ఇంటర్నేషనల్ ఫిల్మ్ 'త‌మ‌రా'కు ప‌వ‌న్‌క‌ల్యాణ్ నిర్మాతగా వ్య‌వ‌హ‌రించ‌బోతున్నారు. తొలుత ఈ సినిమాను సితార ఎంట‌ర్‌టైన్‌మెంట్స్ సంస్థ నిర్మించ‌బోతున్న‌ట్లు ప్ర‌క‌టించారు. అయితే తాజాగా ఈ మూవీ నిర్మాణంలో ప‌వ‌న్‌తో పాటు దర్శకుడు త్రివిక్రమ్ కూడా భాగ‌మైన‌ట్లు దర్శకుడు ప్ర‌క‌టించారు. వ‌సంత్ సెల్వ‌న్ అనే ర‌చ‌యిత రాసిన 'దీప‌న్' అనే నాట‌కం ఆధారంగా ఈ సినిమాను తెరకెక్కిస్తున్నారు. త‌న మూలాల‌ను అన్వేషిస్తూ పుదుచ్చేరి వ‌చ్చిన ఓ యువ‌తికి ఎదురైన అనుభవాలతో ఎమోష‌న‌ల్ డ్రామాగా ఈ సినిమా రూపొందిద్దుకుంటున్న‌ట్లు స‌మాచారం.
Suriya 41 Movie Update: సూర్య కథానాయకుడిగా దర్శకుడు బాల ఓ సినిమా తెరకెక్కిస్తున్నారు. రెండు మూడు రోజులుగా సినీవర్గాల్లో ఈ సినిమాపై ఊహగానాలు వినిపిస్తున్నాయి. సినిమా ఆగిపోయిందని.. హీరో, దర్శకుడికి మధ్య క్రియేటివ్ డిఫరెన్స్‌లు వచ్చాయని గుసగుసలు వినిపించాయి. సినిమా పక్కన పెట్టేశారని అని కూడా కొందరు అన్నారు. వాటికి హీరో సూర్య ఫుల్ స్టాప్ పెట్టారు.