Oppenheimer Movie Ticket Price In India : ఇంగ్లీష్ ఫిల్మ్ మేకర్ క్రిస్టోఫర్ నోలన్ తెరకెక్కించిన 'ఓపెన్హైమర్' హాలీవుడ్ సినిమా భారీ అంచనాల మధ్య శుక్రవారం విడుదలైంది. కాగా ఈ సినిమా మొదటి రోజు దేశవ్యాప్తంగా.. సుమారు 3 లక్షల టిక్కెట్లు హాట్ కేకుల్లా అమ్ముడయ్యాయి. అయితే ఈ సినిమా టిక్కెట్ ధర దేశంలో రికార్డు సృష్టించింది. దేశంలోని ఆయా ప్రముఖ నగరాల్లో ఒక్కో టిక్కెట్ ధర రూ. 700 మొదలుకొని గరిష్ఠంగా రూ. 2450 (టాక్స్ కాకుండా) పలుకుతోంది. టిక్కెట్కు ఇంత ధర ఉన్నప్పటికీ తొలిరోజు అన్ని థియేటర్లలో హౌజ్ఫుల్ షోస్ నడిచాయి. కాగా ముంబయిలోని ప్రముఖ మల్టీప్లెక్స్ పీవీఆర్ఐకాన్లో శుక్రవారం రాత్రి 7, 10 గంటల షోస్కు టిక్కెట్ ధర రూ.2450 గా ఉంది.
అయితే దేశంలో మిగతా ప్రాంతాలతో పోలిస్తే.. కశ్మీర్లో ఈ సినిమాకు ఎక్కువ ఆదరణ లభించింది. రానున్న వీకెండ్లో టికెట్ బుక్ చేసుకునేవారికి నిరాశే మిగిలింది. ఒక్కటంటే ఒక్క సీటు కూడా ఖాళీ లేకుండా కశ్మీర్ థియేటర్లలో హౌజ్ఫుల్ బోర్డులు దర్శనమిస్తున్నాయి. కశ్మీర్లో ఓ హాలీవుడ్ సినిమాకు ఈ రేంజ్లో ఆదరణ లభించడం ఇదే తొలిసారి. కాగా ఈ ఏడాది జనవరిలో బాలీవుడ్ బాద్షా షారుక్ ఖాన్ 'పఠాన్' సినిమా తర్వాత కశ్మీర్లో హౌజ్ఫుల్ అయ్యింది ఈ సినిమాకే.