బాలీవుడ్ స్టార్ రణ్బీర్ కపూర్ నటిస్తున్న 'షంషేరా' చిత్రం నుంచి అతడి ఫస్ట్లుక్ను అధికారికంగా రిలీజ్ చేసింది నిర్మాణ సంస్థ యశ్రాజ్ ఫిల్మ్స్. కరణ్‌ మల్హోత్ర దర్శకత్వం వహిస్తున్న ఈ సినిమాలో 1800 కాలం నాటి స్వాతంత్య్రకాంక్ష కలిగిన, దోపిడి ముఠా నాయకుడిగా రణ్బీర్ కనిపించనున్నాడు. పోస్టర్లో గుబురుగడ్డం, సూటిగా చూస్తున్న కళ్లు, చేతిలో గొడ్డలితో భీకరంగా ఉన్నాడు రణ్బీర్. కొద్ది రోజుల కిందే ఈ పోస్టర్ ఆన్లైన్లో లీకై వైరల్గా మారింది.
జులై 22న తెలుగు, హిందీ, తమిళంలో థియేటర్లలో ఈ సినిమా రిలీజ్ కానుంది. ఇందులో వాణీకపూర్, సంజయ్ దత్ ఇతర ముఖ్యపాత్రల్లో నటిస్తున్నారు. 2018లో 'సంజు' సినిమా హిట్‌ తర్వాత రణ్‌బీర్‌ది ఇంతవరకు ఏ చిత్రం విడుదలవ్వలేదు. భార్య ఆలియా భట్తో కలిసి రణ్బీర్ నటించిన 'బ్రహ్మస్త్రం' సెప్టెంబర్ 9న విడుదలకానుంది. 'షంషేరా'లో రణ్బీర్ లుక్ హాట్గా ఉందంటూ ఆలియా కామెంట్ చేసింది.