Nikhil Swayambhu Movie : యంగ్ హీరో నిఖిల్ సిద్ధార్థ లీడ్ రోల్లో రీసెంట్గా వచ్చిన 'స్పై' సినిమా భారీ అంచనాలతో విడుదలై ప్రేక్షకులను నిరాశపరిచింది. నేతాజీ సుభాష్ చంద్రబోస్ డెత్ మిస్టరీ నేపథ్యంలో తెరకెక్కిన ఈ సినిమా బాక్సాఫీస్ వద్ద ఆశించిన స్థాయిలో కలెక్షన్లు సాధించలేకపోయింది. ఇక దీని ఎఫెక్ట్ మూవీ టీమ్ కంటే హీరో నిఖిల్పైనే కాస్త గట్టిగా పడింది. పాన్ ఇండియా రేంజ్లో ఇప్పుడిప్పుడే తనకంటూ ఓ మంచి మార్కెట్ను క్రియేట్ చేసుకుంటున్న సమయంలో ఇలాంటి టాక్ రావడం వల్ల ఆయన కాస్త డీలా పడ్డారు. దీంతో ఈ సారి ఎలాగైనా గట్టి కమ్బ్యాక్ ఇవ్వాలన్న పట్టుదలతో ఉన్నారు. దీని కోసం తన తర్వాతి సినిమాల విషయంలో మరిన్ని జాగ్రత్తలు తీసుకుంటున్నారు. అందుకు తగ్గట్టుగా చురుగ్గా ఉండేందుకు ప్లాన్ కూడా చేసుకుంటున్నారు.
Nikhil Upcoming Movies : ప్రస్తుతం నిఖిల్ చేతిలో 'ది ఇండియా హౌస్', 'స్వయంభు', 'కార్తికేయ 3' లాంటి భారీ బడ్జెట్ సినిమాలు ఉన్నాయి. 'స్పై' సినిమా నిరాశ పరిచినందుకు ఆయన సోషల్ మీడియా వేదికగా అభిమానులకు క్షమాపణలు చెబుతూ ఓ నోట్ కూడా రిలీజ్ చేసిన సంగతి తెలిసిందే. ఈ క్రమంలో ఇకపై తాను ఇకపై నటించనున్న సినిమాలు మరింత హై స్టాండర్డ్స్ క్వాలిటీతో ఉండేలా చూసుకుంటానని నిఖిల్ అన్నారు. ఈ విషయంలో అస్సలు రాజీపడనని కూడా చెప్పారు. ఇక చెప్పినట్టుగానే ఆయన అప్కమింగ్ మూవీ 'స్వయంభు' విషయంలో దర్శక నిర్మాతలకు ఓ కండీషన్ పెట్టారట.