Nikhil Swayambhu Movie :'హ్యాపీడేస్' సినిమాతో తెలుగు ప్రేక్షకులను పలకరించిన స్టార్ హీరో నిఖిల్ ప్రస్తుతం వరుస ఆఫర్లలో సందడి చేస్తున్నారు. 'కార్తికేయ 2'తో పాన్ ఇండియా లెవెల్లో గుర్తింపు పొందిన ఈ స్టార్.. తాజాగా 'స్వయంభూ' సినిమా షూటింగ్లో బిజీగా ఉన్నారు. చారిత్రాత్మక నేపథ్యంలో సాగే ఈ సినిమాలో హీరో నిఖిల్ ఓ వారియర్ పాత్రలో కనిపించనున్నారు. ఇప్పటికే దీని కోసం ఆయన తీవ్ర కసరత్తులు చేస్తున్నారు.
దాదాపు మూడు నెలలపాటు ఈ యుద్ధవిద్యలపైనే నిఖిల్ శిక్షణ తీసుకున్నారు. ఇందులో భాగంగా ఆయన కత్తి యుద్ధం ప్రాక్టీస్ చేస్తున్న ఓ వీడియోను ఫ్యాన్స్ కోసం సోషల్ మీడియాలో షేర్ చేశారు. అందులో నిఖిల్ పదునైన కత్తిని పట్టుకుని తీవ్రంగా ప్రాక్టీస్ చేస్తున్నారు. "లెఫ్ట్ హ్యాండ్, రైట్ హ్యాండ్ .. మోర్ ప్రాక్టీస్" అంటూ ఓ క్యాప్షన్ను జోడించారు. ప్రస్తుతం ఈ వీడియో నెట్టింట తెగ వైరల్ అవుతోంది. ఫ్యాన్స్ కూడా 'నీ డెడికేషన్కు హ్యాట్సాఫ్ అన్నా' అంటూ నిఖిల్ను పొగడ్తలతో ముంచెత్తుతున్నారు.
Nikhil Upcoming Movies : నిఖిల్‌కు 'స్వయంభూ' 20వ సినిమా కాగా.. ఆయన కెరీర్‌లోనే అత్యంత భారీ బడ్జెట్తో రూపొందుతున్న చిత్రమిది. అత్యుత్తమ సాంకేతిక ప్రమాణాలతో తెరకెక్కనున్న ఈ సినిమా కాగా ఠాగూర్‌ మధు సమర్పణలో పిక్సెల్ స్టూడియోస్ బ్యానర్ పై భువన్‌, శ్రీకర్‌ సంయుక్తంగా ఈ సినిమాకు నిర్మాణ బాధ్యతలు చేపడుతున్నారు. 'సలార్'కు మ్యూజిక్ అందిస్తున్న రవి బస్రూర్‌ ఈ సినిమాకు సంగీతాన్ని అందిస్తున్నారు. మనోజ్‌ పరమహంస ఈ చిత్రానికి సినిమాటోగ్రాఫర్గా వ్యవహరిస్తున్నారు. మరోవైపు మల్లు బ్యూటీ సంయుక్త మేనన్ ఈ సినిమాలో ఫీమేల్ లీడ్గా నటిస్తున్నారు. ప్రస్తుతం ఈ మూవీ షూటింగ్ శరవేగంగా జరుగుతుంది. ఇప్పటికే విడుదలైన ఫస్ట్ లుక్ పోస్టర్స్.. ఈ సినిమాపై అభిమానుల్లో భారీ అంచనాలను పెంచుతోంది. ఆయన గెటప్, మేకోవర్ కొత్తగా ఉందంటూ ఫ్యాన్స్ అభిప్రాయపడుతున్నారు. ఈ సినిమాతో పాటు 'ది ఇండియా హౌస్' అనే మరో సినిమాలో నిఖిల్ లీడ్ రోల్ చేస్తున్నారు. ఈ చిత్రం కూడా హిస్టారిక్ నేపథ్యంలో సాగనుంది.
2024 Pan India Movies : టాలీవుడ్ నుంచి ఆ 5 సినిమాలు ఒకే.. కానీ ఇవి మాత్రం కాస్త డౌటే!
Nikhil Spy Movie : 'ఆ కారణంతోనే 'స్పై' మూవీ ఫ్లాప్'.. హీరో నిఖిల్ షాకింగ్ కామెంట్స్
