NBK 109 Shooting :నందమూరి నట సింహం బాలకృష్ణ - స్టార్ డైరెక్టర్ బాబీ కాంబినేషన్లో ఓ సినిమా తెరకెక్కనున్న విషయం తెలిసిందే. హీరో బాలకృష్ణ కెరీర్లో ఇది 109 వ చిత్రం. దీంతో ఈ సినిమా 'ఎన్బీకే 109' (NBK) వర్కింగ్ టైటిల్తో రూపొందనునుంది. సితారా బ్యానర్పై సూర్యదేవర నాగవంశీ, ఎస్‌.సాయి సౌజన్య సంయుక్తంగా ఈ సినిమాను నిర్మిస్తున్నారు. అయితే మూవీయూనిట్ తాజాగా బాలయ్య ఫ్యాన్స్కు అదిరిపోయే అప్డేట్ ఇచ్చింది.
ఈ సినిమా షూటింగ్ బుధవారం ప్రారంభమైనట్లు, మూవీయూనిట్ అధికారికంగా తెలిపింది. నిర్మాణ సంస్థ సితారా ఎంటర్టైన్మెంట్స్.. 'షూట్ బిగిన్స్' అంటూ ఓ పోస్టర్ను రిలీజ్ చేసింది. ఈ పోస్టర్లో ఓ పదునైన గొడ్డలికి కళ్లద్దాలు జోడించి ఉన్నాయి. వీటితోపాటు అమ్మవారి లాకెట్, ఆయుధానికి వేలాడుతూ ఉన్నట్లు పోస్టర్లో కనిపిస్తుంది. అలాగే 'లైట్స్ కెమెరా యాక్షన్', 'బ్లడ్ బాత్ కా బ్రాండ్ నేమ్', 'వైలెన్స్ కా విజిటింగ్ కార్డ్' అంటూ క్యాప్షన్స్ రాసుకొచ్చారు. ఈ క్యాప్షన్స్ ప్రేక్షకుల అంచనాలను మరో లెవెల్కు తీసుకెళ్తున్నాయి.
ఇక ఈ సినిమా ఫుల్ మాస్‌ యాక్షన్ ఎలిమెంట్స్తో రూపొందన్నట్లు తెలుస్తోంది. ఈ చిత్రంలో బాలయ్య మునుపెన్నడూ చేయని శక్తిమంతమైన పాత్రలో.. సరికొత్త లుక్‌తో కనిపించనున్నారని టాక్ వినిపిస్తోంది. బాలయ్య కోసం ఇప్పటికే బాబీ నాలుగు లుక్లు డిజైన్ చేశారని తెలిసింది. కాగా, ఈ సినిమా వచ్చే ఏడాది వేసవిలో థియేటర్లలోకి రావొచ్చని సినివర్గాల్లో టాక్.