నటసింహం నందమూరి బాలకృష్ణ త్వరలోనే కామెంటేటర్గా నయా అవతార్ ఎత్తనున్నారు. మార్చి 31న ప్రారంభమవ్వనున్న ప్రతిష్ఠాత్మక ఐపీఎల్ ఓపెనింగ్ సెర్మనీలో ఆయన సందడి చేయనున్నారు. చెన్నై సూపర్ కింగ్స్, గుజరాత్ టైటాన్స్ మధ్య జరగనున్న తొలి ఐపీఎల్ మ్యాచ్కు ఆయన కామెంటేటర్గా వ్యవహరించనున్నారు. ఈ విషయాన్ని స్టార్ స్పోర్ట్స్ సంస్థ వెల్లడించింది.
"ఇన్క్రెడిబుల్ ప్రీమియర్ లీగ్.. ఓపెనింగ్ డే విత్ మన లెజెండ్.. నందమూరి బాలకృష్ణ గారు.. తెలుగుజాతి గర్వపడేలా, సంబరాన్ని అంబరాన్ని అంటేలా ఎంటర్టైన్మెంట్ వేరే లెవెల్లో ఉండబోతుంది" అంటూ స్టార్ స్పోర్ట్స్ సంస్థ వీడియో షేర్ చేసింది. వీడియోలో బాలయ్య లుక్ అదిరిపోయింది. నటిసింహానికి స్టార్ స్పోర్ట్స్ ప్రతినిధులు.. స్పెషల్ బ్యాట్ను బహుకరించారు. అనంతరం బాలకృష్ణ మాట్లాడారు.
"నాకు చాలా ఆనందంగా ఉంది. ప్రత్యేకించి నాకు క్రికెట్ అంటే చాలా ఇష్టం. స్కూల్, కాలేజీ రోజుల్లో కూడా క్రికెట్పై నేను చాలా మక్కువ చూపించేవాడని. మళ్లీ తిరిగి కామెంటేటర్గా రావడమనేది ఆట ఆడే అంత సంతృప్తినిస్తుంది. హుషార్ ఆన్.. గేమ్ ఆన్.. స్టార్ స్పోర్ట్స్.. తెలుగు ఆన్" అంటూ బాలయ్య మంచి జోష్లో చెప్పారు.
అయితే ఐపీఎల్ తొలి మ్యాచ్కు కామెంటేటర్గా బాలయ్య వ్యవహరిస్తారన్న విషయం తెలుసుకున్న నందమూరి ఫ్యాన్స్ ఫుల్ ఖుషీ అవుతున్నారు. ఐపీఎల్లో బాలయ్య రోర్ వినిపించనుందంటూ కామెంట్లు పెడుతున్నారు. ఎంతో ఆసక్తిగా ఎదురుచూస్తున్నట్లు చెబుతున్నారు. ఆహా ఓటీటీలో అన్స్టాపబుల్ టాక్ షోలో హోస్ట్గా అదరగొట్టిన బాలకృష్ణ.. ఐపీఎల్లో తన కామెంటరీతో అలరిస్తారని అభిమానులు అంటున్నారు.
వరుసగా యాక్షన్ సినిమాలు చేస్తూ యువ హీరోలకు సవాళ్‌ విసురుతున్నారు నందమూరి బాలకృష్ణ. గతేడాది విడుదలైన 'అఖండ'లో బాలయ్య నటనకు ప్రేక్షకులు ఫిదా అయ్యారు. అదే ఊపులో వీరసింహా రెడ్డి చిత్రంలో నటించారు. ఈ ఏడాది సంక్రాంతికి విడుదలైన ఆ సినిమా.. విజయం సాధించింది. ఇప్పుడే అదే జోష్లో బాలయ్య.. తన 108వ సినిమా చేస్తున్నారు. అనిల్ రావిపూడి దర్శకత్వంలో NBK 108 వర్కింగ్ టైటిల్తో ఈ సినిమాతో తెరకెక్కుతోంది. ఈ సినిమా షూటింగ్ ప్రస్తుతం శరవేగంగా సాగుతోంది. ఈ మూవీలో బాలకృష్ణ సరసన కాజల్ అగర్వాల్ హీరోయిన్గా నటిస్తున్నారు. యంగ్ హీరోయిన్ శ్రీలీల.. బాలయ్య కుమార్తెగా నటిస్తున్నట్లు సమాచారం. ఇప్పుడు బాలయ్య 109వ చిత్రం.. మాస్ డైెరెక్టర్ బోయపాటి శ్రీనుతో తీస్తారని వార్తలు వస్తున్నాయి. ఈ మాస్ ప్రాజెక్ట్ను బాలకృష్ణ పుట్టినరోజున ప్రకటిస్తారని సమాచారం.
