Leo Premiere Shows :కోలీవుడ్ స్టార్ హీరో విజయ్ దళపతి-లోకేశ్ కనగరాజ్ కాంబినేషన్లో తెరకెక్కిన చిత్రం 'లియో'. ఈ సినిమాలో విజయ్కు జోడీగా సీనియక్ నటి త్రిష హీరోయిన్గా నటించింది. ఈ సినిమాను 7 స్క్రీన్ స్టూడియోస్ బ్యానర్పై ఎస్ఎస్ లలిత్ కుమార్ నిర్మించారు. ఇక ఈ సినిమా అక్టోబర్ 19న ప్రేక్షకుల ముందుకు రానుంది. అయితే తమిళనాడు ప్రభుత్వం.. మొదట 'లియో' సినిమా ప్రీమియర్స్కు అనుమతి నిరాకరించింది. దీంతో విజయ్ ఫ్యాన్స్ తీవ్ర అసంతృప్తికి లోనయ్యారు.
అయితే ఏం జరిగిందో తెలియదు కానీ, 'లియో' ప్రీమియర్స్కు లైన్ క్లియర్ అయ్యింది. స్టాలిన్ సర్కార్ ప్రీమియర్స్కు గ్రీన్ సిగ్నల్ ఇచ్చింది. దీంతో విజయ్ ఫ్యాన్స్ హర్షం వ్యక్తం చేస్తున్నారు. ఇక సినిమా విడుదల రోజు తమిళనాడులో ఉదయం 7 గంటలకే ప్రీమియర్ షో ప్రారంభం కానుంది. అక్టోబర్ 19 నుంచి 24 వరకు రోజుకు లియో ఐదు షోస్ ప్రదర్శించనున్నారు. మరోవైపు యూఎస్లో అక్టోబర్ 19 ఉదయం 4 గంటలకే లియో షోస్ పడనున్నాయి.
ఇక లియో ట్రైలర్ రిలీజ్ కాకముందు నుంచే బుకింగ్స్లో రికార్డులు సృష్టిస్తోంది. గతవారం ఈ సినిమా ఓవర్సీస్ బుకింగ్స్ ఓపెన్ కాగా.. 40 వేలకుపైగా టికెట్లు అమ్ముడయ్యాయని తెలిసింది. దీంతో ట్రైలర్ కూడా చూడకముందే ఈ రేంజ్లో టికెట్లు అమ్ముడవ్వడం ఇదే తొలిసారి అంటూ.. యూకేకు చెందిన నిర్మాణ సంస్థ పేర్కొంది.