'కేజీఎఫ్​ 2' రివ్యూ.. ప్రేక్షకులకు పూనకాలే.. త్వరలోనే 'కేజీఎఫ్​ 3'!

KGF 2 movie review: భారీ అంచనాలతో నేడు ప్రపంచవ్యాప్తంగా విడుదలైంది హీరో యశ్ నటించిన 'కేజీఎఫ్​ 2'. ఈ మూవీని చూసేందుకు అభిమానులు థియేటర్లకు భారీగా తరలివచ్చారు. ఈ సినిమా ట్విట్టర్​ రివ్యూపై ఓ లుక్కేద్దాం..

KGF 2 movie review: బిగ్గెస్ట్‌ యాక్షన్‌ ఎంటర్‌టైనర్‌గా రూపుదిద్దుకొని ప్రపంచవ్యాప్తంగా బాక్సాఫీస్‌ వద్ద కాసుల వర్షం కురిపించిన చిత్రం 'కేజీఎఫ్​'. కన్నడ రాకింగ్​ స్టార్​ యశ్‌- దర్శకుడు ప్రశాంత్‌నీల్‌ కాంబినేషన్‌లో తెరకెక్కిన ఈ చిత్రానికి సీక్వెల్‌గా 'కేజీఎఫ్​ 2' రూపొందింది. భారీ అంచనాల నడుమ నేడు(శుక్రవారం) ప్రపంచవ్యాప్తంగా 10 వేలకుపైగా థియేటర్లలో ప్రేక్షకుల ముందుకు వచ్చింది. టికెట్లు భారీ స్థాయిలో బుక్ అయ్యాయి. ఈ మూవీని చూసేందుకు అభిమానులు థియేటర్లకు తరలివచ్చారు. బెనిఫిట్​ షోలు చూసి వచ్చిన వారు.. సినిమా గూస్​బంప్స్​ తెప్పిస్తుందని అంటున్నారు. గ్రాండ్ విజువల్స్​తో పాటు రాఖీబాయ్​గా యశ్​- అధీరాగ సంజయ్​ దత్​ యాక్షన్స్​ ఎపిసోడ్స్ వేరే లెవల్​లో ఉన్నాయని చెబుతున్నారు. హీరోకు దీటుగా ప్రతినాయకుడి పాత్ర ఉందని, బ్యాక్​గ్రౌండ్​ మ్యూజిక్​ పూనకాలు తెప్పిస్తుందని పేర్కొంటున్నారు.

ప్రతి పదినిమిషాలకు కళ్లు చెదిరే యాక్షన్స్​ సీక్వెన్స్​ వస్తున్నాయని, సినిమాను వర్ణించడానికి మాటలు రావట్లేదని నెటిజన్లు చెబుతున్నారు. ప్రశాంత్​ నీల్​ తెరకెక్కించిన విధానం అద్భుతంగా ఉందని, ప్రతి సన్నివేశం​ మెస్మరైజ్​ చేస్తుందని చెప్పుకొస్తున్నారు. 'హీరో ఊర మాస్​ విశ్వరూపం', 'హీరో ఎంట్రీ సీన్​ ఊహించలేని స్థాయిలో ఉంది', 'ఇంటర్వెల్​ సీన్​ అదిరిపోయింది', 'చరిత్ర సృష్టించడం పక్కా', 'కేజీఎఫ్​ 1కు మించి ఉంది' అంటూ కామెంట్లు చేస్తున్నారు. మొత్తంగా బాక్సీఫీస్​ బద్దలైపోవడం ఖాయమని.. 'కేజీఎఫ్​ 3' కూడా వచ్చే అవకాశం ఉందని అంటున్నారు.

• ఫస్టాఫ్​: హీరో ఇంట్రడక్షన్​, సంజయ్​ దత్​ ఎంట్రీ సీన్​, తుఫాన్​ సాంగ్​, ఇంటర్వెల్​ సీన్ హైలైట్​.​
• సెకండాఫ్​: మాస్​ సీన్స్​, చివరి వరకు ఎమోషన్స్​ను బాగా క్యారీ చేయడం.. అమ్మ సెంటిమెంట్​, క్లైమాక్స్​ గూస్​బంప్స్​
• మొత్తంగా సినిమా బ్లాక్​బస్టర్​ హిట్​, 'కేజీఎఫ్​ 3' వచ్చే అవకాశం.

అయితే కొంతమంది మాత్రం నెగటివ్​ రివ్యూలు ఇస్తున్నారు. ఫస్టాప్​ పూనకాలు తెప్పించినా సెకండాఫ్​లో కథ కాస్త నెమ్మదిగా సాగిందని ట్వీట్లు చేస్తున్నారు.

ఇక ఈ సినిమాకు సినీవిశ్లేషకుడు తరణ్​ ఆదర్శ్ కూడా​ తన రివ్యూ ఇచ్చారు. 4.5/5 రేటింగ్​ ఇచ్చారు. "కేజీఎఫ్​ 2 అద్భుత విజయం సాధించింది. కేజీఎఫ్​ ప్రపంచంలో లీనమైపోయేలా చేశారు దర్శకుడు ప్రశాంత్​ నీల్​. అతడు అద్భుతమైన స్టోరీ టెల్లర్​. యాక్షన్​ సన్నివేశాలను అద్భుతంగా తెరకెక్కించారు. మొత్తంగా ఈ చిత్రం ఓ కింగ్​ సైజ్​డ్​ ఎంటర్​టైనర్​. ప్రతిఒక్కరూ ఈ చిత్రాన్ని చూడాలి. యశ్​ అసాధారణమైన యాక్టింగ్​, డైలాగ్స్​ అదిరిపోయాయి. అధీరాగ సంజయ్​దత్​ ప్రేక్షకుల్లో పూనకాలు తెప్పించారు. ఆయన ఈ చిత్రానికి పెద్ద బలం. రవీనా టాండ్​ కూడా బాగా నటించిది. 'కేజీఎఫ్​ 3' రావడం పక్కా. త్వరలోనే వస్తుంది." అని ట్వీట్​ చేశారు.

కాగా, ఈ సినిమాలో హీరో యశ్​తో పాటు బాలీవుడ్‌ నటుడు సంజయ్‌ దత్, రవీనా టాండన్‌, ప్రకాశ్‌ రాజ్‌, శ్రీనిధి శెట్టి, రావు రమేశ్‌ తదితరులు కీలకపాత్రలు పోషించారు. మాస్ ఎలిమెంట్స్ తో సాగిన తుఫాన్ సాంగ్ తర్వాత అధీరకి సంబందించిన సన్నివేశాలు మొదలవుతాయి.

ఇదీ చూడండి: 'కేజీయఫ్​ యశ్​'తో తారక్​, చెర్రీ దోస్తీ ఎప్పటిదో తెలుసా?