kanguva suriya 42 director : కోలీవుడ్ స్టార్ హీరో సూర్య యాక్టింగ్ టాలెంట్ గురించి ప్రత్యేకంగా చెప్పనక్కర్లేదు. 'జైభీమ్', 'ఆకాశం నీ హద్దురా' చిత్రాలతో దేశవ్యాప్తంగా ప్రేక్షకులను మనసులను ఆకట్టుకుని మరింత ఉన్నత స్థాయికి ఎదిగారు. ప్రస్తుతం ఆయన 'కంగువా' అనే భారీ బడ్జెట్ చిత్రం చేస్తున్నారు. పీరియాడిక్ అండ్ యాక్షన్ డ్రామా రూపొందుతున్న ఈ చిత్రానికి శిరుతాయ్ శివ దర్శకత్వం వహిస్తున్నారు. త్వరలోనే విడుదల కానున్న ఈ కాంబో చిత్రంపై సినీప్రియుల్లో భారీ అంచనాలు ఉన్నాయి.
suriya new movie 2023 : అయితే ఇప్పుడీ కాంబో(శివ-సూర్య కలిసి) మరో కొత్త నిర్ణయం కూడా తీసుకున్నట్లు తెలిసింది. వీరిద్దరు మరో కొత్త మూవీ కోసం కలిసి పనిచేసేందుకు సిద్ధమయ్యారట. 'కంగువా' సినిమా తెరకెక్కించే పని విధానం, అందులో నటించే విధానం.. ఇలా ఒకరి ప్రతిభ ఇంకొకరికి నచ్చి.. మరో చిత్రం చేయాలని నిర్ణయించుకున్నారట. ఇంకో విషయమేమిటంటే.. ఈ చిత్రాన్ని కూడా 'కంగువా'ను నిర్మిస్తున్న స్టూడియో గ్రీనే రూపొందించనుందని సమాచారం అందింది. అంతా అనుకున్నట్లు సవ్యంగా జరిగితే.. త్వరలోనే అధికార ప్రకటన కూడా చేస్తారట. చూడాలి మరి ఏం జరుగుతుందో..
kanguva movie cast : ఇక 'కంగువా' సినిమా విషయానికొస్తే.. సూర్య కెరీర్లో భారీ బడ్జెట్తో రూపొందుతోంది. ఈ చిత్రంలో సూర్య ఓ యోధుడి ప్రధాన పాత్రలో నటిస్తున్నారు. బాలీవుడ్ గ్లామర్ బాంబ్ దిశా పటానీ హీరోయిన్గా యువరాణిగా నటిస్తోంది. ఈ చిత్రాన్ని స్టూడియో గ్రీన్తో కలిసి యూవీ క్రియేషన్స్ కూడా నిర్మిస్తోంది. మొదట్లో ఈ సినిమా బడ్జెట్ రూ.200 కోట్లు అని అన్నారు. ఆ తర్వాత రూ.350 కోట్లు అని కూడా టాక్ వచ్చింది. మ్యూజిక్ సెన్సేషన్ దేవి శ్రీ ప్రసాద్ సంగీతం అందిస్తున్నారు. 2024లో పాన్ ఇండియా చిత్రంగా 3డీ ఫార్మాట్లో అన్ని భాషల్లో రిలీజ్ చేసేందుకు మేకర్స్ సన్నాహాలు చేస్తున్నారు. ఇంకా ఈ చిత్రంతో పాటు సూర్య.. 'ఆకాశం నీ హద్దురా' హిందీ రీమేక్ను నిర్మిస్తున్నారు. ఇందులో బాలీవుడ్ స్టార్ అక్షయ్ కుమార్ ప్రధాన పాత్రలో నటిస్తున్నారు. ఇది త్వరలోనే రిలీజ్ కానుంది.