Jr NTR Vacation With Family : ఈ మధ్య మన సినీతారలు సినిమా షూటింగ్ల నుంచి ఏ మాత్రం గ్యాప్ దొరికినా కాస్త విశ్రాంతి కోసం.. హాలీడే వెకేషన్ అంటూ కుటుంబాలతో విదేశాలకు వెళ్తున్నారు. ఈ జాబితాలో అందరికంటే ముందుగా సూపర్ స్టార్ మహేశ్ బాబు ఉంటారు. ఇప్పటికే చాలా సార్లు భార్య నమ్రతా, పిల్లలు సితారా, గౌతమ్లతో కలిసి ఫారిన్ వీధుల్లో సందడి చేశారు మహేశ్. ఆ వీడియోలు సోషల్ మీడియాలో పలు సందర్భాల్లో వైరల్ అయ్యాయి.
తాజాగా యంగ్ టైగర్ ఎన్టీఅర్ కూడా కుటుంబంతో కలిసి విదేశాలకు వెళ్లారు. ఈ క్రమంలో హైదరాబాద్ విమానాశ్రయంలో భార్య, పిల్లలు అభయ్ రామ్, భార్గవ్ రామ్లతో కసిలి ఎన్టీఆర్ దర్శనమిచ్చారు. ఇప్పుడు ఫ్యామిలీతో కలిసి ఏ దేశం వెళ్తున్నారనేదాని పైన క్లారిటీ రాలేదు. సినిమా బిజీ షెడ్యుల్ నుంచి చిన్న విరామం తీసుకొని హాలీడే ట్రిప్కు వెళ్లిన ఎన్టీఆర్ వారం రోజుల్లోనే తిరిగి హైదరాబాద్ చేరుకోనున్నారు. ఇటీవలే జూనియర్ ఎన్టీఆర్ తన సతీమణి లక్ష్మీ ప్రణతితో కలిసి 'ఆర్ఆర్ఆర్' సినిమా గ్లోబల్ అవార్డ్స్ కోసం అమెరికా వెళ్లారు.
Devara Movie NTR: సినిమా షూటింగ్ నుంచి బ్రేక్ తీసుకున్న జానియర్ ఎన్టీఆర్ ఆదివారం.. నందమూరి తారక రామారావు శత జయంతి సందర్భంగా ఎన్టీఅర్ ఘాట్ వద్ద నివాళి అర్పించారు. తారక్ వెకేషన్ నుంచి హైదరాబాద్ తిరికి వచ్చాక 'దేవర' రెగ్యులర్ షూటింగ్లో పాల్గొంటారు. ఈ సినిమాకు కొరటాల శివ దర్శకత్వం వహిస్తున్నారు. ఇటీవలె ఈ సినిమా టైటిల్ అనౌన్స్మెంట్తో పాటు ఎన్టీఆర్ పోస్టర్ను రిలీజ్ చేసింది చిత్ర యూనిట్.
Devara Movie Cast : అలనాటి అతిలోక సుందరి శ్రీదేవి కుమార్తె జాన్వీ కపూర్ 'దేవర'తో తెలుగులో అరంగేట్రం చేయనుంది. బాలీవుడ్ స్టార్ సైఫ్ అలీ ఖాన్ ఈ సినిమాలో కీలక పాత్రలో నటించనున్నారు. సైఫ్ అలీ ఖాన్పై ఇప్పటికే కొన్ని సన్నివేశాలు చిత్రించినట్లు సమాచారం. సైఫ్ రాకతో 'దేవర' పై అంచనాలు మరింత పెరిగాయి.
NTR Koratala Shiva Movie : 'ఆర్ఆర్ఆర్' సినిమాతో జూనియర్ ఎన్టీఆర్ పాన్ ఇండియా రేంజ్లో స్టార్డమ్ సాధించి.. తన మార్కెట్ను పెంచుకున్నారు. గతంలో జూనియర్ ఎన్టీఆర్, కొరటాల శివ కాంబినేషన్లో వచ్చిన 'జనతా గ్యారేజ్' సినిమా బ్లాక్ బస్టర్గా నిలిచి కలెక్షన్ల సునామీ సృష్టించింది. ఇప్పుడు మరోసారి ఈ కాంబినేషన్లో 'దేవర' రానుంది. తెలుగు, హిందీ సహా ఐదు భాషల్లో ఈ చిత్రాన్ని తెరకెక్కిస్తున్నారు. నందమూరి కల్యాణ్‌రామ్‌, యువసుధ ఆర్ట్స్‌ సమర్పణలో ఎన్టీఆర్ ఆర్ట్స్‌ బ్యానర్పై ఈ చిత్రాన్ని రూపొందిస్తున్నారు. అనిరుధ్ రవిచంద్రన్ ఈ సినిమాకు సంగీతం అందిస్తున్నారు.
