Hit 2 movie release date: 'గూఢచారి', 'ఎవరు' వంటి సస్పెన్స్‌ థ్రిల్లర్లతో ప్రేక్షకుల్ని అలరించిన యువ హీరో అడివి శేష్ ప్రస్తుతం 'మేజర్' మూవీ రిలీజ్ పనుల్లో బిజీగా ఉన్నారు. శశికిరణ్‌ తిక్క తెరకెక్కించిన ఈ మూవీ జూన్ 3న ప్రేక్షకుల ముందుకు రానుంది. ఈ క్రమంలోనే ఆయన నుంచి మరో కొత్త అప్డేట్ వచ్చింది. విజయవంతమైన విశ్వక్సేన్ 'హిట్'కి కొనసాగింపుగా 'హిట్2' రూపొందుతున్న సంగతి తెలిసిందే. ఇందులో అడవి శేష్ ప్రధాన పాత్రలో.. కేడీ అనే పోలీస్‌ అధికారి పాత్రలో కనిపించనున్నారు. అయితే తాజాగా ఈ చిత్ర రిలీజ్ డేట్ను ప్రకటించింది చిత్రబృందం. 'మేజర్' రిలీజ్ అయిన తర్వాత నెలలోనే జులై 29న థియేటర్లలో విడుదల కానున్నట్లు ప్రకటించింది. ఓ కొత్త పోస్టర్ను కూడా విడుదల చేసింది. దీనికి తొలి చిత్రాన్ని తెరకెక్కించిన శైలేష్‌ కొలను దర్శకత్వం వహిస్తుండగా, ప్రశాంతి తిపిర్నేని నిర్మిస్తున్నారు. కథానాయకులు నాని సమర్పకులుగా వ్యవహరిస్తున్నారు. శేష్కు జోడీగా మీనాక్షి చౌదరి నటిస్తున్నారు. ఇప్పటికే విడుదలైన ఈ చిత్ర టీజర్, పోస్టర్ అభిమానులను ఆకట్టుకున్నాయి.
F3 movie trailer release date: 'ఎఫ్ 3' చిత్రం నుండి క్రేజీ అప్డేట్ వచ్చింది. ట్రైలర్ రిలీజ్ డేట్ ప్రకటించింది మూవీయూనిట్. మే 9న రిలీజ్ చేస్తామని చెప్పింది.గతంలో వచ్చి సూపర్ హిట్గా నిలిచిన 'ఎఫ్2'కి సీక్వెల్గా ఈ చిత్రం రూపొందింది. మొదటి పార్ట్లో ఫ్యామిలీతో కలిగే ఫ్రస్టేషన్ను చూపించగా ఈ సారి మనీతో మనుషులకు కలిగే ఫ్రస్టేషన్ను 'ఎఫ్ 3' ద్వారా చూపించనున్నారు. ఈ చిత్రం షూటింగ్ పార్ట్ ఇప్పటికే పూర్తయ్యి రిలీజ్కు సిద్ధమైంది. ఇప్పటికే రిలీజ్ అయిన సాంగ్స్, మేకింగ్ వీడియోస్ సినిమాపై ఆసక్తి పెంచాయి. వెంకటేష్, వరుణ్ తేజ్, తమన్నా, మెహరీన్ ప్రధాన పాత్రలు పోషించిన ఈ సినిమాలో రాజేంద్రప్రసాద్, సునీల్, సోనాల్ చౌహాన్ వంటి వారు ఇతర కీలక పాత్రల్లో నటించారు. పూజాహెగ్డే స్పెషల్ సాంగ్లో చిందులేసింది. ఫన్ డైరెక్టర్ అనిల్ రావిపూడి దర్శకత్వం వహించగా.. దిల్ రాజు నిర్మించారు.